Aficyjnaja cyrymonija pieradačy pasłu Biełarusi ŭ Niamieččynie Andreju Hiro knih pa bijałohii i batanicy, vyviezienych z terytoryi Biełarusi padčas Druhoj suśvietnaj vajny, adbyłasia ŭ Bierlinie.
Zbor navukovaj litaratury naličvaje 501 asobnik navukovaj litaratury. Jon byŭ vyjaŭleny ŭ biblijatecy Bataničnaha sadu Svabodnaha univiersiteta Bierlina. Ustanoŭlena, što navukovaja litaratura, vydadzienaja z 1824 pa 1940 hod na łacinskaj, niamieckaj, francuzskaj, ruskaj, biełaruskaj i ŭkrainskaj movach, śviedčać biblijatečnyja štampy, naležała zbolšaha Sielskahaspadarčaj akademii ŭ horadzie Horki (Mahiloŭskaja vobłaść) i była vyvieziena ŭ Niamieččynu ŭ 1943 hodzie.
Andrej Hiro ad imia biełaruskaha boku vykazaŭ słovy ŭdziačnaści kiraŭnictvu bataničnaha sadu za biazvypłatnuju pieradaču litaratury, padkreśliŭ važnaje simvaličnaje značeńnie hetaj akcyi, zaklikanaj pasłužyć spravie dalejšaha prymireńnia pamiž narodami Biełarusi i Niamieččyny.
0
0
0
0
0
0
