Biełaruś niedapłačvaje za rasiejski haz, doŭh respubliki ŭžo składaje amal $ 200 młn, a da kanca hoda moža dasiahnuć $ 600 młn. Sprava ŭ tym, što respublika płacić za «błakitnaje paliva» canu, jakaja padabajecca joj samoj. Pa słovach ekśpiertaŭ, prymusić Alaksandra Łukašenku adumacca mohuć tolki surjoznyja ekanamičnyja sankcyi.
Doŭh Biełarusi za rasijski haz praciahvaje raści. Heta adbyvajecca z-za taho, što Biełaruś płacić za haz nie pa kantraktnaj canie, a pa canie, jakuju respublika sama dla siabie vyznačyła ŭ adnabakovym paradku, raspavioŭ aficyjny pradstaŭnik «Hazproma» Siarhiej Kupryjanaŭ. Za studzień — sakavik hetaha hoda zapazyčanaść biełaruskaha boku vyrasła da $ 137 młn.
«Siońnia byŭ čarhovy płaciež, doŭh uzros jašče na $ 55 młn — da $ 192 młn», — paviedamiŭ u piatnicu Kupryjanaŭ.
U pieršym kvartale vyznačanaja cana rasijskaha hazu dla Biełarusi składała $ 168,7 za 1 tys. kubamietraŭ, u druhim jana vyrasła da $ 184. Adnak biełaruski bok ź pieršaha kvartała płacić pa siaredniehadavym košcie minułaha hoda — $ 150 za 1 tys. kuboŭ. Mienavita takuju canu respublika prasiła zachavać dla jaje i na pieršy kvartał 2010 hoda, ale Rasija na heta nie pajšła.
«My vielmi zakłapočanyja situacyjaj, što składvajecca», — zajaviŭ pradstaŭnik «Hazproma».
«Hazprom» moža abmiežavać pastaŭki hazu ŭ Biełaruś, kali jana nie viernie zapazyčanaść pierad manapalistam u pamiery 137 młn. dalaraŭ, paviedamlajuć rasijskija «Viedomosti» sa spasyłkaj na krynicy, blizkija da hazavaha kancerna.
