Jak paviedamiła pres‑sakratar fiestyvalu Darja Viźnier, udzieł u teatralnym forumie, jaki budzie doŭžycca pa 30 maja, voźmuć kalektyvy ź Bielhii, Łatvii, Polščy, Rasii, Słavienii, Ukrainy, Estonii. Akramia taho, na fiestyval sa svaimi apošnimi premjerami pryjeduć usie biełaruskija teatry.
Amatary lalečnaha teatra atrymajuć mahčymaść ubačyć pastanoŭki dla dziaciej «Chitraja lisička i durny voŭk» u vykanańni kalektyvu z Ryhi (Łatvija), «Śpiačaja pryhažunia» (Talin, Estonija), «Papiałuška. Uryŭki ź jaje dziońnika», «Dziujmovačka» (u niekatorych biełaruskich vioskach kažuć Calovačka, Lublana, Słavienija). Lalečny teatr ź Biełastoka (Polšča) voźmie ŭdzieł u fiestyvali sa śpiektaklem «Fasad», rasijski teatr z Kiemierava — z pastanoŭkaj «Jaŭhien Aniehin», teatr z Sankt‑Pieciarburha — sa śpiektaklem «Ihra ŭ čatyry ruki».
U prahramu fiestyvalu taksama ŭklučany śpiektakli «Antyhona» (Pałtava, Ukraina), «Lalečny bałahančyk» i «Don Žuan u Vieniecyi» (Archanhielsk, Rasija), «Žančyna‑Krumkač» (Sent‑Vit, Bielhija).
Biełaruskija kalektyvy pryviazuć na fiestyval pastanoŭki: «Rusałačka» (Brest), «Kvietačka‑viasiołka» (Viciebsk), «Žyvaja vada» (Homiel), Poison (Mahiloŭ), «Kaniok‑harbunok» (Maładziečna), «Mahičnaje lustra pana Tvardoŭskaha» (Hrodna) i «Čamu starejuć ludzi?» (Biełaruski dziaržaŭny teatr lalek, Minsk).
Jak paviedamiła Darja Viźnier, teatralnyja pastanoŭki ŭ ramkach forumu buduć prachodzić na čatyroch placoŭkach Minska — u Biełaruskim dziaržaŭnym teatry lalek, Nacyjanalnym akademičnym teatry imia Janki Kupały, Nacyjanalnym akademičnym teatry imia Maksima Horkaha i Novym teatry.
