Minharvykankam zaćvierdziŭ taryfy na parkoŭku transpartnych srodkaŭ u śpiecyjalna abstalavanych miescach,
paviedamiŭ dyrektar HU «Parkoŭki stalicy» Leanid Daraščonak.
Surazmoŭca nahadaŭ, što z 1 studzienia ŭ stalicy admienieny miascovy zbor z karystalnikaŭ za parkoŭku transpartnych srodkaŭ u śpiecyjalna adviedzienych miescach. Takoje rašeńnie było pryniata dla panižeńnia padatkovaha ciažaru na fizičnych i jurydyčnych asobaŭ. Vyklučeńnie skłali viedamasnyja stajanki, na jakich spahaniajecca nie zbor, a płata za zachoŭvańnie mašyny. Naprykład, u HC «Ždanovičy» ci inšych bujnych handlovych abjektach. Ale ŭ sakaviku vyjšaŭ ukaz №143, jaki zamiest miascovaha zboru uvioŭ płatu za stajanku na parkoŭcy. Jaje pamier vyznačajecca rašeńniem Minharvykankama.
Rašeńniem harvykankama zaćvierdžany taryfy na parkoŭku ŭ śpiecyjalna abstalavanych miescach:
— Parkoŭka transpartnaha srodku da 20 chvilin — 1 tys .rubloŭ, ad 21 chviliny da 1 hadziny za kožny nastupnuju hadzinu parkoŭki — 2 tys.
— Kruhłasutačnaja parkoŭka transpartnaha srodku za adnu hadzinu času z 19.00 da 9.00 — 300 rubloŭ.
— Abaniemient na miesiac dla parkoŭki transpartnaha srodku pry realizacyi fizičnym asobam — 80 tys. rubloŭ, jurydyčnym asobam — 100 tys.;
— Pry raźliku kartkami parkoŭki ź fiksavanym časam 20 chvilin — 1 tys., 60 chvilin — 2 tys.;
Taksama zaćvierdžanyja taryfy pry raźliku elektronnymi debietnymi kartkami.
Parkoŭka lehkavych aŭtamabilaŭ z pryčepam, mikraaŭtobusaŭ, aŭtobusaŭ, hruzavych aŭtamabilaŭ apłačvajecca pa taryfie ŭ padvojnym pamiery.
