16 vieraśnia u Viciebsku płanavali pravieści fiestyval pavietranych źmiejaŭ «Śviata vietru».
Hety fest naradziŭsia stychijna niekalki hadoŭ tamu. Tvorčaja moładź i studenty ładzili jaho dvojčy na hod – uviesnu dy ŭvosień – za horadam, na tak zvanaj Kaściukovaj hary, nievialičkaj pustcy pobač z zakinutaj vodanapornaj viežaj. Anijakaj palityčnaj afarboŭki «Śviata vietru» nikoli nie mieła. Moładź źbirałasia, kab pavychvalacca samarobnymi źmiejami, pahulać, a časam i padureć, jak u dziacinstvie. Ź ciaham času fest nabyvaŭ usio bolšuju papularnaść. U subotu da Kaściukovaj hary źjechalisia kala paŭtary sotni čałaviek z pavietranymi źmiejami, hitarami dy papiarovymi kryłami. A na hary ich sustreli supracoŭniki milicyi.
Milicyjanty prapanavali moładzi razyścisia pa chatach, pahražajučy štrafam u 50 bazavych vieličyń. Na pytańnie «čamu?» kanstatavali, što fest źjaŭlajecca niesankcyjavanym mierapryjemstvam u… hramadskim miescy. Kab jaho pravieści, treba było padać zajavu ŭ vykankam za dva tydni, atrymać dazvoł, arhanizavać pažarnuju biaśpieku dy mahčymaść miedyčnaj dapamohi. Ŭsich, chto chacieŭ pryniać udzieł u «Śviacie vietru», milicyjanty adźniali na videa. Pamknulisia ahledzieć rečy ŭ niekatorych z prysutnych, ale nie znajšli ni śpirtnoha, ni zabaronienaj simvoliki. U pryvatnaj razmovie adzin ź milicyjantaŭ paraiŭ chłopcam i dziaŭčatam adpačyvać u horadzie i nie źbiracca takim natoŭpam.
Jadviha Stašeŭskaja, Jeŭraradyjo, Viciebsk
Fota časopisa «Idiot»
❏
Hladzi jašče:
Fotarepartaž z zabaronienaha śviata na «Narodnych navinach Viciebsku»
Jak prachodziła śviata vietru ŭ 2005-m hodzie. Fotaspravazdača časopisa «Idiot»