Sioletni ziemlatrus u Čyli 27 lutaha, akramia trahičnych nastupstvaŭ, pavialičyŭ terytoryju krainy.
Zhodna sa škałoj Rychtarera ziemlatrus mieŭ nadzvyčajnuju moc — 8,8 bałaŭ — i staŭsia piatym pa mocy z usich zarehistravanych ziemlatrusaŭ Ziamli. Voś płaniety padčas jaho pierasunułasia na 8 sm. Heta skaraciła ziamnyja sutki na 1,26 milisiekundy.
Zdymki z satelitaŭ i kamputarnaje madelavańnie dazvalajuć navukoŭcam ubačyć toje,
pra što čałaviectva raniej mahło tolki zdahavacca.
Čylijcam ciapier treba składać novyja mapy, bo ich kraina pavialičyłasia. I nie na milimietry. Stalica Sanćjaha źmiaściłasia na 24 sm na zachad. A najbolš paciarpieły horad Kansepśjon pierasunuŭsia ŭprava amal na 5 mietraŭ. Ahułam Čyli pavialičyłasia na 1,5 kv. km.
Adnak toje pavieličeńnie krainy budzie pastupova źmianšacca, ažno da nastupnaha mocnaha ziemlatrusu, bo Čyli znachodzicca na sutyku dźviuch kantynientalnych plitaŭ, jakija niaspynna nasoŭvajucca adna na adnu. Praz heta adbyvajecca defarmacyja ziamli, što praz peŭny čas zakančvajecca ziemlatrusam.
