Studyja dakumientalnaha kino «Letapis» zakančvaje pracu nad filmam pra Zośku Vieras.
10-chvilinnaja stužka stvarajecca pa zamovie Ministerstva kultury pa scenary Uładzimira Jahoŭdzika.
Fota ggau.by.
Režysior Iryna Vołach adznačaje, što dakumientalny film robicca dla taho, kab «nahadać pra hetuju asobu». Bo za dziesiać chvilin nielha ŭ poŭnaj miery paznajomić hledača z hetaj lehiendarnaj žančynaj. U filmie achoplivajecca try pieryjady jaje žyćcia: haradzienski, minski i vilenski.
Ci budzie film demanstravacca na biełaruskim telebačańni, nieviadoma. Iryna Vołach adznačaje, što vyrašeńnie hetaha pytańnia ad jaje nie zaležyć. Ale režysior kaža, što stužka budzie pakazanaja ŭ videakompleksie «Centr-videa» ŭ HC «Stalica», dzie isnuje kłub amataraŭ dakumientalnaha kino.
Zakončyć pracu nad filmam miarkujecca ŭ siaredzinie červienia.
Zośka Vieras (Ludvika Sivickaja-Vojcik) — biełaruskaja piśmieńnica i hramadskaja dziajačka. Naradziłsia ŭ 1892 hodzie va Ukrainie. Udzielnica hrodzienskaha hurtka biełaruskaj moładzi. Padčas Pieršaj suśvietnaj vajny z maci pierajechała ŭ Minsk. Supracoŭničała z «Biełaruskaj chatkaj». Siabravała z Maksimam Bahdanovičam, była znajomaja ź Jadvihinym Š., Uładzisłavam Hałubkom. Udzielničała va Usiebiełaruskim kanhresie. Z 1923 hoda žyła ŭ Vilni. Redahavała dziciačyja časopisy «Zaranka» i «Praleski», pčalarski časopis «Biełaruskaja borć». Da 1961 hoda była ŭ zabyćci, pakul jaje nie adšukaŭ Arsień Lis. Pamierła ŭ 1991 hodzie.
