Nacbank ŭpeŭniena ŭtrymlivaje kurs biełaruskaha rubiela – nacyjanalnaja valuta navat uzmacniłasia ŭ dyčynieńni da valutnaha košyka ŭ paraŭnańni z 31 śniežnia 2009 hadoŭ. Ale na kolki pracentaŭ vyrasła ci apuściłasia kožnaja asobna ŭziataja valuta?
U kancy 2009 hoda “Naša niva” padvodziła pramiežkavyja vyniki.
Tady vyśvietliłasia, što biełaruski rubiel macniejšy tolki za efiopski byr.U dačynieńni da astatnich 82 valut ajčynnyja hrošy vyhladali słabiejšymi. Što źmianiłasia za piać miesiacaŭ?
Ciapier karcina vyhladaje našmat bolš aptymistyčna. Biełaruski rubiel uzmacniŭsia ŭ dačynieńni da 28 valut śvietu.
Najbolšy rost nacyjanalnaj valuty zafiksavany ŭ paraŭnańni ź sierbskim dynaram (16%).Dalej iduć valuty, źviazanyja ź jeŭra, – złoty, lit i łat, zrešty, i sam jeŭra. Kožny ź ich apuściŭsia na 10-11%.
Najbližej da biełaruskaj valuty trymaŭsia kienijski šylinh. Rubiel u paraŭnańni ź im vyras na 0,08%.
A voś vidavočnych pravałaŭ u rubiela niama. Najvialikšaje padzieńnie zafiksavana ŭ paraŭnańni z małajzijskim rynhitam (10%). Siarod blizkich susiedziaŭ varta jašče vydzielić rasijan. Ich hrošy ŭzmacnilisia na 2%.
A voś da dalara ZŠA i tradycyjna mocnaha kitajskaha juania biełaruskija hrošy apuścilisia amal na 5%.
0
0
0
0
0
0
