Miečysłaŭ Hryb zajaviŭ pra hatoŭnaść uziać udzieł u budučaj prezidenckaj kampanii. Pra heta jon zajaviŭ na prezidyumie Biełaruskaj sacyjał‑demakratyčnaj partyi (Hramada).
Bolš padrabiazna chod padrychtoŭki da prezidenckaj kampanii abmiarkuje Centralny Kamitet Hramady ŭ kancy červienia, a zatym — źjezd partyi, zapłanavany na kaniec vieraśnia — pačatak kastryčnika.
Členy prezidyuma padtrymali ideju vyłučeńnia adzinaha kandydata. Kali hetaha damahčysia nie atrymajecca, partyja moža vyłučyć svajho, partyjnaha kandydata. Ci ž padtrymać inšaha kandydata. Na siońniašni momant dva členy CK zajavili pra hatoŭnaść udzielničać u kampanii: Miečysłaŭ Hryb i Valery Frałoŭ», — adznačyŭ staršynia partyi Anatol Laŭkovič, paviedamlaje Biełaruski partyzan.
Miečysłavu Hrybu — 72 hady, sa studzienia 1994 pa studzień 1996 hoda — staršynia Viarchoŭnaha Savieta Respubliki Biełaruś. Padčas vybarčaj kampanii 2006 hoda byŭ u štabie Alaksandra Kazulina.
***
Nahadajem, što ŭ paniadziełak pra svoj udzieł u prezidenckaj kampanii zajaviŭ namieśnik staršyni BSDP (Hramada) hienierał Valer Frałoŭ.
