Kyrhyzstan stanie parłamienckaj respublikaj

27-ha červienia u Kirhizii adbudziecca refierendum, na jaki vyniesienyja try pytańni: pryniaćcie novaj kanstytucyi i zakona ab uviadzieńni jaje ŭ dziejańnie, ab padćvierdžańni paŭnamoctvaŭ Rozy Atunbajevaj i ab likvidacyi Kanstytucyjnaha suda.

Pavodle novaj kanstytucyi, Kyrhyzstan maje stać parłamienckaj respublikaj.

Admysłova z hetaj nahody 3 červienia pasoł Kirhizskaj Respubliki Išenkul Bałdžurava praviała pres-kanferencyju, dzie adznačyła, što refierendum budzie praviedzieny «nie dla taho, kab lehitymizavać Časovy urad, a dla refarmavańnia palityčnaha ładu krainy». «Nam dastatkova aŭtarytaryzmu.

Nielha narod ličyć bydłam. Narod nia bydła (…) Kali narod vyhnaŭ prezidenta, to heta nie pieravarot. Narod pryznaŭ časovy urad i abjaviŭ refierendum. Heta ŭsio lehitymna», — raspaviała žurnalistam Išenkul Bałdžurava.

Pavodle novaj kanstytucyi hałoŭnym uładnym orhanam Kyrhyzstana maje stać parłamient. Płanujecca, što jon budzie farmavać urad. Prezident atrymaje funkcyi arbitra i budzie vybiracca pramym hałasavańniem na respublikanskich vybarach. Z koła jaho kampietencyi vyklučać kiravańnie finansavymi patokami i pravaachoŭnymi orhanami — hetyja funkcyi budzie vykonvać parłamienckaja apazicyja. Praduhledžvajecca taksama pavieličeńnie samastojnaści miascovaha samakiravańnia.

Pasoł Kyrhyzstana ŭ Biełarusi taksama adznačyła, što ŭ suviazi z pryjezdam źvierhnutaha prezidenta K.Bakijeva ŭ Biełaruś adnosiny pamiž našymi krainami ŭskładnilisia. «Biełaruś faktyčna pryznaje Časovy urad, spadziajusia, što paśla refierendumu pryznaje i jurydyčna», — adznačyła spadarynia Ju.Bałdžurava.

Jana taksama paviedamiła, što nie viedaje, dzie zaraz znachodzicca Kurmanbiek Bakijeŭ. «Jon da nas nie źviartaŭsia», — adznačyła spadarynia pasoł.

0

0

0

0

0

0

Aleś Pilecki

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH