Takich prapanoŭ bolš za dva dziesiatki.
Pieravažnaja bolšaść – heta krainy SND: Azierbajdžan, Ukraina, Rasija, Armienija, Kazachstan, Kirhizija, Tadžykistan, Uźbiekistan, Małdova. Viza nie patrebnaja i dla ŭjezdu na terytoryju Hruzii.
Na Bałkanskim paŭvostravie biełarusaŭ bieź vizy hatova sustreć Sierbija (terminam da 30 dzion). Kab naviedać Čarnahoryju i Makiedoniju, akramia nacyjanalnaha pašparta pry sabie treba mieć turystyčny vaŭčar albo zaprašeńnie. Charvatyja sioleta mieła namier dla hramadzian Biełarusi na pieryjad z 1 krasavika da 31 kastryčnika admianić vizavy režym. Ale, na žal, hetaha nie adbyłosia. A takoj mahčymaściu z našych susiedziaŭ mohuć skarystacca rasijanie i ŭkraincy.
Da 30 dzion bieź vizy možna znachodzicca na Kubie. Dla Vieniesueły hety termin składaje 90 dzion, ale biez prava zajmacca kamiercyjnaj i apłačvajemaj dziejnaściu. Da 90 dzion možna adpačyvać u Pieru i Ekvadory. Biaźvizavaje naviedvańnie Kitaja dazvalajecca tolki ŭ składzie turystyčnaj hrupy.
Letaś Handuras i Nikarahua ŭ adnabakovym paradku admianili vizavy režym dla hramadzian Biełarusi. Toje samaje i z Małajzijaj. Ale, kab naviedać hetuju krainu, treba mieć pry sabie kvitki na zvarotnuju darohu, a taksama paćvierdzić svaju płaciežazdolnaść na čas pajezdki.
Biełarusy pry najaŭnaści nacyjanalnaha pašparta i zaprašeńnia ci turystyčnych dakumientaŭ mohuć pabyvać taksama ŭ Manholii.