Vybary ŭ Polščy – Kačyński dahaniaje Kamaroŭskaha

Branisłaŭ Kamaroŭski zachoŭvaje vysoki rejtynh, adnak kolkaść prychilnikaŭ Jarasłava Kačyńskaha pastajanna raście.

Ab hetym śviedčać vyniki daśledavańnia, praviedzienaha na zamovu «Gazety Wyborczej» u kancy traŭnia.

Pavodle vynikaŭ apytańnia, rejtynh Branisłava Kamaroŭskaha stała trymajecca na ŭzroŭni 50% u toj čas jak Kačyński zmoh pavialičyć kolkaść svaich prychilnikaŭ z 30% da 38%.

Kali b vybary adbylisia prosta zaraz, to ŭ pieršym tury za Kamaroŭskaha hatovyja addać svaje hałasy pałova polskich vybarščykaŭ, za Kačyńskaha — 38%. U druhim tury, kali jon usio ž adbudziecca — adpaviedna 56% i 40%.

Akramia dvuch zhadanych kandydataŭ bolš-mienš stałaj padtrymkaj moža pachvalicca adno lider partyi SLD Hžehaž Napieralski. Za jaho kandydaturu hatovyja prahałasavać 5% palakaŭ. Padtrymka dla inšych kandydataŭ vahajecca ŭ miežach statystyčnaj pamyłki.

Nahadajem, što daterminovyja prezidenckija vybary adbuducca ŭ Polščy 20 červienia. Rašeńnie ab ich praviadzieńni było pryniataje paśla trahičnaj hibieli byłoha prezidenta Lecha Kačyńskaha ŭ avijakatastrofie pad Smalenskam.

AP

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH