U Pieršamajskim rajsudzie Viciebsku praciahniecca razbor administracyjnaj spravy siabra KCHP BNF Siarhieja Kavalenki i jaho małodšaha brata Vitala. Ich vinavaciać u drobnym chulihanstvie. Braty ličać hetuju spravu palityčnaj.
Vital i Siarhiej Kavalenki.
Na pieršym sudovym pasiadžeńni, jakoje adbyłosia 24 traŭnia, Siarhiej i Vital Kavalenki raspaviali, što ŭviečary 8‑ha traŭnia ŭ kramie «Viesta» ich zatrymali supracoŭniki milicyi. Bratoŭ zavieźli ŭ Pieršamajski RAUS i skłali na ich pratakoł za niecenzurnuju łajanku ŭ hramadzkim miescy, chacia hety fakt ni Siarhiej, ni Vital Kavalenka nie paćvierdzili. Abodva ličać, što ich zatrymali preventyŭna — kab padčas śviatkavańniaŭ Dnia Pieramohi ŭ horadzie nie źjavilisia bieł‑čyrvona‑biełyja ściahi.
Siarhiej Kavalenka, jaki nie adnojčy ładziŭ u Viciebsku akcyi ź bieł‑čyrvona‑biełymi ściahami, i jahony małodšy brat praviali bolš za sutki ŭ izalatary časovaha ŭtrymańnia. Adpuścili ich 10 traŭnia.
Sudździa Viktar Kałbun nie śpiašajecca vynosić rašeńnie pa spravie: pieršaje sudovaje pasiadžeńnie adbyłosia bolš jak praz dva tydni paśla zatrymańnia bratoŭ Kavalenkaŭ, a potym jaho pieranieśli jašče na 12 dzion — na 15.30 7 červienia.
