Ź pieršaj sudzicca prarektar Homielskaha dziaržaŭnaha ŭniviersiteta, druhomu zakidajuć parušeńnie zajaŭlenaj pieryjadyčnaści vychadu vydańnia.
9 červienia ŭ Leninskim rajonnym sudzie h. Minska budzie razhladacca sprava pa zysku prarektara Homielskaha dziaržaŭnaha ŭniviersiteta Siarhieja Chanieni da «Narodnaj voli». Padstavaj dla zysku stała pieradrukoŭka artykułu «Kandydaty pradjavili zarobki» z sajta kampanii «Havary praŭdu»
Pačatak pracesu ŭ 14:30. Leninski rajonny sud znachodzicca pa adrasie: vuł. Siamaška, 33 (Dom pravasudździa).
Nahadajem, što 31 traŭnia ministr infarmacyi Aleh Pralaskoŭski vypisaŭ čarhovaje papiaredžańnie «Narodnaj voli». Pryčynaj stałasia publikacyja ŭ vydańni ŭspaminaŭ Illi Kopyła «Niabyšyna. Vajna».
Biełaruskaja partyja levych «Spraviadlivy śviet», jakaja źjaŭlajecca zasnavalnikam haziety «Tovariŝ», abvinavačvajecca ŭ parušeńni zakona RB «Ab srodkach masavaj infarmacyi» ŭ suviazi sa źmienaj pieryjadyčnaści vydańnia haziety. U jakaści dokazu parušeńnia zakanadaŭstva pryvodzicca toj fakt, što treci numar zarehistravanaj jak štotydniovik haziety vyjšaŭ tolki 7 traŭnia 2010 hoda.«Pakul u nas jość mahčymaść vychodzić tolki 1–2 razy na miesiac», — paćvierdziŭ hałoŭny redaktar haziety «Tovariŝ» Siarhiej Vaźniak.
Spadar Vaźniak adznačyŭ, što hazieta maje abjektyŭnyja pryčyny dla źmieny pieryjadyčnaści. «Hazietu zahnali ŭ situacyju, kali niama jak zarablać hrošy. My nie možam raspaŭsiudžvacca praz padpisku, nie možam drukavacca ŭ krainie, nie možam navat źbirać tut rekłamu, a zaraz ad nas patrabujuć znajści hrošy na štotydniovy druk haziety!» — aburajecca Siarhiej Vaźniak.
Miž tym hałoŭny redaktar haziety źviazvaje papiaredžańnie ad Ministerstva infarmacyi z chutkim startam prezidenckaj vybarčaj kampanijaj, i nie vyklučaje, što takim čynam vydańniu dajuć zrazumieć: «Chłopcy, pišycie, ale nie nadta rezka».
Pavodle słovaŭ Siarhieja Vaźniaka, hazieta nie budzie abskardžvać papiaredžańnie, a zasnavalnik haziety ŭ bližejšy čas uniasie źmieny ŭ paśviedčańnie ab rehistracyi vydańnia.