Izrailskaja avijakampanija «El Al/Sandor» adnaŭlaje rehularnyja rejsy z Tel‑Aviva ŭ Minsk, paviedamili ŭ pasolstvie Izraila ŭ Biełarusi.
Pieršy samalot Boeing 737 kampanii Sun D'or International Airlines («Sandor»; daččynaja kampanija izrailskaj «El Al») vylecić z Tel‑Aviva viečaram piatnicy. Rehularnyja rejsy kampanii «El Al» u Minsk nie ažyćciaŭlalisia ź listapada 2008 hoda.
Z ulikam rejsaŭ biełaruskaj avijakampanii »Biełavija» paloty pa maršrucie Tel‑Aviŭ — Minsk — Tel‑Aviŭ buduć ažyćciaŭlacca čatyry razy na tydzień.
U vypadku nieabchodnaści izrailskaja kampanija razhledzić mahčymaść pavieličeńnia kolkaści rejsaŭ. Paloty buduć ažyćciaŭlacca na samalotach Boeing 737 i 757. Kampanija Sun D'or International Airlines była zasnavana jak filijał »El Al», što śpiecyjalizujecca na čarternych rejsach. Letaś jana pačała ažyćciaŭlać kamiercyjnyja rehularnyja rejsy ŭ Rastoŭ i Sočy, zaraz da ich dadalisia rejsy ŭ Ryhu, Vilniu i Minsk.
Pasolstva nahadvaje, što ŭ lipieni 2009 hoda padčas vizitu ŭ Biełaruś ministra turyzmu Izraila Stasa Misiežnikava było padpisana pahadnieńnie pamiž uradami dźviuch krain ab supracoŭnictvie ŭ śfiery turyzmu. Jano praduhledžvaje ŭ tym liku pavieličeńnie kolkaści avijarejsaŭ pamiž krainami.
