Hienprakuratura Biełarusi admoviła Kyrhyzstanu ŭ vydačy eks‑prezidenta Kurmanbieka Bakijeva,
paviedamiŭ RIA Naviny ŭ aŭtorak aficyjny pradstaŭnik Hienprakuratury Piotr Kisialoŭ.
«Zapyt kirhizskaha boku ab vydačy Bakijeva pakinuty biez zadavalnieńnia», — skazaŭ jon. Pradstaŭnik Hienprakuratury admoviŭsia rastłumačyć pryčyny takoha rašeńnia.
Na ŭčorašniaj pres-kanfierencyi Kurmanbiek Bakijeŭ zajaviŭ, što nie źbirajecca viartacca ŭ Kyrhyzstan i źvinavaciŭ siońniašnija ŭłady krainy, što jany nie mohuć navieści paradak u hetaj dziaržavie.
Zapyt na vydaču Bakijeva i nieabchodnyja dla hetaha dakumienty pastupili ŭ Biełaruś u treciaj dekadzie maja. Sam zrynuty prezident Kyrhyzstana znachodzicca ŭ Biełarusi z 19 krasavika pavodle zaprašeńnia Alaksandra Łukašenki.
0
0
0
0
0
0
