U Minsku pačałosia pasiedžańnie arhkamiteta pa stvareńni Alternatyŭnaha ŭrada. Inicyjatarami idei vystupiŭ arhkamitet partyi BCHD.
Na pasiedžańnie pryjšło kala 40 pradstaŭnikoŭ palityčnych partyj, hramadskich inicyjatyŭ, a taksama ekśpierty ŭ roznych halinach.
Ciarod VIP‑haściej prysutničajuć kandydaty ŭ prezidenty Jarasłaŭ Ramančuk, Miečysłaŭ Hryb. Taksama prysutničajuć Alaksandr Kazulin, Alaksandr Jarašuk, Siarhiej Kalakin, Hienadź Hrušavy. Mierapryjemstva naviedali taksama ambasadarka Vialikabrytanii, pradstaŭniki vienhierskaj ambasady, pradstaŭnictva ABSIE.
Na samym pačatku pasiedžańnia Pavał Sieviaryniec zajaviŭ, što siońnia stvarać urad i razdavać partfieli ministraŭ nie buduć. Miž tym, usim prysutnym adrazu razdali pajmienny śpis pa ministerstvach alternatyŭnaha ŭrada. Inicyjatary pasiedžańnia nie paznačyli tolki imiony mahčymych prezidentaŭ.
Tak, partfieli ŭ Ministerstvie finansaŭ prapanujecca addać Bahdankieviču, Ramančuku i Čubryku. U Minekanomiki — Čałamu, Złotnikavu, Zaleskamu i Dźmitruku, MZS — Milinkieviču, Sańnikavu i Kraŭčanku. Mininfarmacyi — Litvinoj, Marcavu, Dyńko, Starykieviču i Siaredziču.
Hety śpis u niekatorych udzielnikaŭ vyklikaŭ ździŭleńnie. Naprykład,
Alaksandr Starykievič pacikaviŭsia, čamu jaho vyrašyli pryznačyć na pracu ŭ Mininfarmacyi, navat nie zapytaŭšysia pra jaho žadańnie, i dadaŭ, što takoha žadańnia ŭ jaho niama.
U toj ža čas Aleh Voŭčak, jakomu addali partfiel u MUS, skazaŭ, što z zadavalnieńniem stanie Hienprakuroram.
