Kurs dalara ZŠA pa vynikach biržavych tarhoŭ 17 červienia vyras na 2 rubli i skłaŭ 3.020 rubloŭ. Heta źjaŭlajecca novym histaryčnym maksimumam koštu amierykanskaj valuty.
Pavodle źviestak Biełaruskaj valutna‑fondavaj biržy, u tarhach dalaram udzielničała 25 bankaŭ. Abjom ździełak skłaŭ 67 młn. 576 tys. (popyt — 67 młn. 576 tys., prapanova — 47 młn. 188 tys.).
U tarhach rasijskim rublom udzielničała 26 bankaŭ. Kurs źniziŭsia na 0,03 rubla da 96,84 rubla. Abjom tarhoŭ skłaŭ 287 młn. 19 tys. rasijskich rubloŭ (popyt — 287 młn. 16 tys., prapanova — 291 młn. 316 tys.).
U tarhach jeŭra ŭdzielničali 24 banki. Abjom ździełak skłaŭ 8 młn. 162 tys. (popyt — 8 młn. 124 tys., prapanova — 8 młn. 955 tys.), a kurs źniziŭsia na 12 rubloŭ da adznaki 3.705 rubloŭ za jeŭra.
Adnosna valutnaha košyka (dalar ZŠA, jeŭra, rasijski rubiel) biełaruski rubiel umacavaŭsia na 0,09% u paraŭnańni z papiarednim značeńniem: košt košyka skłaŭ 1.027,19 rubla suprać 1.028,15 rubla dniom raniej.
Z pačatku hoda kurs biełaruskaha rubla da valutnaha košyka ŭmacavaŭsia na 0,88%. Pry hetym da dalara ZŠA kurs źniziŭsia na 5,48%, da rasijskaha rubla źniziŭsia na 2,30%, da jeŭra — umacavaŭsia na 9,75%.
Na 2010 hod kalidor vahańniaŭ kursu biełaruskaha rubla adnosna košyka valut ustanoŭleny ŭ miežach plus/minus 10%.
