Pra heta zajaviŭ namieśnik staršyni partyi Ryhor Kastusioŭ 17 červienia na pres‑kanfierencyi ŭ Minsku.
Nahadajem, 29 maja pazačarhovy źjezd Partyi BNF pryniaŭ rašeńnie ab vyłučeńni Kastusiova ŭ jakaści kandydata ŭ prezidenty ad partyi.
Pavodle mierkavańnia palityka, zajaŭlać pra bajkot vybaraŭ patrebna svoječasova.
«Bajkot — heta svojeasablivaja forma ŭdziełu ŭ vybarach, heta nie mienš aktyŭnaja praca, čym sam udzieł u ich. Ja liču, kali bajkot i nieabchodna było abviaščać, to heta treba było rabić jašče hod tamu»,
— skazaŭ Kastusioŭ.
Jon padkreśliŭ, što Partyja BNF vystupaje za aktyŭny ŭdzieł u majučaj adbycca prezidenckaj kampanii. «Heta rašeńnie adpaviadaje metam, jakija stavić pierad saboj partyja, — abaraniać intaresy nasielnictva. Udzieł u vybarach dapamahaje danieści da nasielnictva svaje pohlady pa roznych pytańniach raźvićcia hramadstva», — zajaviŭ palityk.
Kamientujučy rašeńnie kiraŭnictva Kansiervatyŭna‑chryścijanskaj partyi — BNF pra bajkot vybaraŭ, Kastusioŭ zajaviŭ: «Niaŭdzieł u vybarach pryvodzić da taho, što partyja pierastaje ŭdzielničać u palityčnym žyćci hramadstva. Pra jaje prosta pastupova zabuduć».
