Apošnim časam u Miensku nazirajecca śviadomaje abmiežavańnie kanstytucyjnych pravoŭ biełaruskamoŭnych čytačoŭ. U hazetnych šapikach "Biełsajuzdruku" i "Biełpošty" amal niemahčyma znajści hazetu albo paštoŭku na dziaržaŭnaj biełaruskaj movie. "Mienharsajuzdruk" nie zaklučyŭ damovaŭ na prodaž u stalicy viadomych niezaležnych biełaruskamoŭnych vydańniaŭ - "Našaha słova", "Našaj Nivy" i "Rehijanalnaj haziety". U niaznačnaj kolkaści pastupajuć u prodaž hazety "Litaratura i mastactva", "Kultura" i "Źviazda". U adroźnieńnie ad adździaleńniaŭ suviazi i Hałoŭpaštamtu, u šapikach "Biełsajuzdruku" praktyčna źnikli biełaruskamoŭnyja paštoŭki, kalendary i dziciačaja litaratura.
My źviartajemsia da siabroŭ i prychilnikaŭ TBM, usich nieabyjakavych hramadzian i haściej našaj stalicy rabić adpaviednyja zapisy ŭ knihu zaŭvah i prapanoŭ, jakaja pavinna być u kožnym šapiku, albo niepasredna źviartacca da sp. I.V. Dudziča, dyrektara Mienharsajuzdruku pa adrasie: 220050 Miensk, vuł. Vaładarskaha, 16.
