Apazicyja sustreniecca ź litoŭskim premjeram

Biełaruskaja apazicyja i pradstaŭniki hramadzianskaj supolnaści sustrenucca z prem'jer-ministram Litvy Andrusam Kubilusam, jaki prybyvaje ŭ Minsk u nastupny paniadziełak. Pra heta paviedamiŭ staršynia AHP Anatol Labiedźka.

Prem'jer-ministr Litvy Andrus Kubilus prybyvaje ŭ Minsk z aficyjnym vizitam, adnak u jaho zapłanavanyja sustrečy nie tolki z aficyjnymi asobami, ale i z apazicyjaj. Jak minimum try pytańni, jakija zakranajuć bolšaść biełarusaŭ, majuć namier padymać na sustrečy pradstaŭniki biełaruskaj apazicyi.

«Pytańniaŭ šmat:

heta i palahčeńnie pierasiačeńnia miažy dla žycharoŭ Biełarusi, i pytańnie palapšeńnia infrastruktury na miažy (ludzi prastojvajuć pa 4–5 hadzin u čerhach, treba pavialičvać kolkaść prapusknych punktaŭ), i košty na vizy.

Voś jak minimum try pytańni, jakija cikaviać žycharoŭ Biełarusi», — skazaŭ A. Labiedźka.

Litva źjaŭlajecca čalcom Jeŭrapiejskaha sajuza, tamu biełaruskaja apazicyja daviadzie da premjera susiedniaj krainy svajo bačańnie blizkich prezidenckich vybaraŭ u Biełarusi. «My budziem trymacca svajoj palityki — kredyty ŭ abmien na svabodnyja vybary, i było b vielmi dobra, kali b Litva prytrymlivałasia takoj ža linii», — dadaŭ A. Labiedźka.

belaruspartisan.org

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH