Pradstaŭnictva Jeŭrapiejskaha Sajuza ŭ Biełarusi i češskaja arhanizacyja «Čałaviek u niadoli» (People in Need), u supracoŭnictvie z šeraham biełaruskich pravaabarončych arhanizacyj, zaprašajuć na pakazy lepšych stužak Mižnarodnaha fiestyvalu dakumientalnych filmaŭ pa pravach čałavieka ONE WORLD 2009.
25‑29 červienia ŭ Mahilovie i Minsku raspačniecca fiestyval dakumientalnych filmaŭ pa pravach čałavieka. Padčas fiestyvalu buduć pakazany try lepšyja dakumientalnyja stužki — pieramožcy ONE WORLD 2009.
Sałdaty ŭ sary (Niepał/ZŠA/2008) — hramadzianskaja vajna ŭ Niepale 2006 hodu, jakaja pryviała da ŭznaŭleńnia demakratyi, prymusiła mnohich žančyn aktyŭna udzielničać u kanflikcie, kab mieć svaju rolu ŭ vyrašeńni budučyni krainy.
Moc biaśsilnych (Čechija/2008) — stužka pra važnaść analizu byłych pamyłak dla raźvićcia hramadstva. Film šukaje adkaz, čamu siońnia mnohija čechi nie chočuć, kab ich kamunistyčnaje minułaje było raskrytaje.
Jodokskija historyi (Narviehija/Polšča/2008) — ci možna zrabić miuzikł na padstavie asabistych historyj achviar kamunistyčnaha režymu Paŭnočnaj Karei i viaźniaŭ sučasnych kancentracyjnych łahieraŭ? Žudasnyja historyi ŭciekačoŭ i zachaplalnaja chareahrafija.
Raskład pakazaŭ:
Mahiloŭ, hramadski centr «Koła» (zavułak Čkałava, 16)
25.06 — Moc biaśsilnych
26.06 — Sałdaty ŭ sary
Minsk, kanfierenc‑zała hatelu Crowne Plaza (vulica Kirava, 13)
28.06 Sałdaty ŭ sary
29.06 Jodokskija historyi
Pačatak usich pakazaŭ a 18.30.
Uvachod na mierapryjemstva volny, ale pažadana papiaredniaja rehistracyja. Zarehistravacca na mierapryjemstva možna dasłaŭšy SMS na numar +375 29 9410214.
DADATKOVAJA INFARMACYJA
Fiestyval dakumientalnych filmaŭ pa pravach čałavieka One World («Adzin śviet») arhanizujecca češskaj humanitarnaj arhanizacyjaj People in Need («Ludzi ŭ niadoli») i pravodzicca štohod u Prazie (Čechija). Na praciahu siami dzion hledačam prapanujucca kala 130 dakumientalnych stužak z roznych krain śvietu. Akramia pakazu filmaŭ, padčas fiestyvalu arhanizujucca dyskusii sa stvaralnikami filmaŭ i vystavy fatahrafij, pryśviečanyja pravam čałavieka. Fiestyval štohod pravodzicca naprykancy krasavika.
