Administracyja haścinicy «Mahiloŭ» admoviła ŭ pamiaškańni dla praviadzieńnia IV Sacyjalnaha forumu.
Dyrektar haścinicy Leanid Kac abhruntavaŭ heta tym, što zała pasiadžeńniaŭ zaniataja pad inšyja mierapryjemstvy.
Miž tym, jak śćviardžaje adzin z arhanizataraŭ forumu — lider abjadnańnia donaraŭ «Kropla žyćcia» i dabračynnaha sacyjalnaha fondu «Ščyraść» Ihar Kavalenka, papiaredniaja damoŭlenaść ab arendzie pamiaškańnia z administracyjaj haścinicy była.
Arhanizatary zajaŭlajuć, što forum usio roŭna adbudziecca, praŭda, adkryjecca z zatrymkaj. Jon projdzie u hramadskim centry «Koła», što na zavułku Čkałava, — heta pryvatnaje pamiaškańnie.
Jak raniej paviedamlaŭ BiełaPAN, ranicaj u arendzie pamiaškańnia arhanizataram admoviła administracyja haściničnaha kompleksu «Krynica» mahiloŭskaha AAT «Mahateks», dzie płanavałasia praviadzieńnie forumu. Tam admovu matyvavali ramontam.
IV Sacyjalny forum hramadskich arhanizacyj Biełarusi, Ukrainy i Litvy pavinien prajści 25—27 červienia. Jaho asnoŭnaja tema — reforma biełaruskaj sistemy achovy zdaroŭja.
