Pravierku pa spravie śmierci ŭ Bieraści litoŭskaha dyplamata Vitaŭtasa Paciunasa praciahnuli da 23 kastryčnika. Pa słovach staršyni ŭpraŭleńnia pravavoha zabieśpiačeńnia, infarmacyi j hramadzkich suviaziaŭ Prakuratury Respubliki Biełaruś Andreja Šveda, heta vyklikana tym, što jašče nie zavieršanyja ŭsie labaratornyja daśledavańni, u pryvatnaści – chimičnyja ekspertyzy i analiz kryvi.
Paciunas, litoŭski dyplamat, daradca hieneralnaha konsulstva Litvy ŭ Harodni, aficer departamentu dziaržbiaśpieki Litvy vypaŭ ź dziaviataha pavierchu hatelu Inturyst u Bieraści ŭ noč z 22 na 23 žniŭnia. Medyčnaja ekspertyza nia vyjaviła śladoŭ hvałtu na jaho ciele. Ale kančatkovaje zaklučeńnie biełaruskaja prakuratura zrobić tolki paśla zaviaršeńnia ŭsich daśledvańniaŭ. Da hetaha času aficyjny Vilnius taksama ŭstrymlivajecca ad kamentaroŭ.
