Taki adkaz z podpisam namieśnika kiraŭnika vykankama pa ideałohii atrymaŭ na svaju piśmovuju prapanovu siabra Partyi BNF Jaŭhien Skrabutan.
‑ Ja nakiravaŭ listy ŭ ministerstva kultury i pałatu pradstaŭnikoŭ z prapanovaj nadać vulicy Savieckaj u Zelvie imia Łarysy Hienijuš — viadoma, što słavutaja paetka žyła tut davoli praciahły čas. Źjaŭleńnie vulicy, nazvanaj u jaje honar, było b dobrym padarunkam dla zelviencaŭ, prymierkavanym da 100‑ch uhodak z Dnia narodzinaŭ Łarysy Antonaŭny.
Adpaviedny list byŭ nakiravany taksama da Mitrapalita Fiłareta, dzie adznačałasia, miž inšym, što Zelvienskaja Śviata‑Trajeckaja carkva znachodzicca na vulicy, nazvanaj u honar dziaržavy, jakaja ličyła relihiju varožym instytutam — na vulicy Savieckaj.Tak, adkazu ad Fiłareta aktyvist nie atrymaŭ, a ministerstva kultury dy deputaty parłamientu pieranakiravali zvarot ŭ Zelvienski rajvykankam i Haradzienski abłasny vykankam adpaviedna.
‑ Kali b niemetazhodnaść pierajmienavańnia vulicy zaklučałasia, naprykład, u adsutnaści finansavych srodkaŭ na hetuju metu, jašče možna było b zrazumieć. Ale aficyjnuju pazicyju ŭładaŭ, što nibyta dla balšyni žycharoŭ słova «Savieckaja» nadaje ŭpeŭnienaści ŭ zaŭtrašnim dni, ja rasceńvaju ździeklivaj abrazaj nie tolki prychilnikaŭ tvorčaści Łarysy Hienijuš, ale i svojeasablivym «tancam na kaściach» miljonaŭ achviaraŭ stalinskich represij dy ahidnym plaŭkom u bok usiaho chryścijanskaha śvietu, — kamientuje situacyju Jaŭhien Skrabutan.
Na siońniašni dzień u Zelvie raspačaty zbor podpisaŭ siarod žycharoŭ vulicy Savieckaj za nadańnie joj imia Łarysy Hienijuš.
