Lider Biełaruskaj chryścijanskaj demakratyi Pavał Sieviaryniec vystupiŭ z zajavaj adnosna padpisańnia Biełaruśsiu Mytnaha sajuza z Rasiejaj i Kazachstanam.
«My rasceńvajem padpisańnie Mytnaha sajuza z Rasiejaj i Kazachstanam jak najvialikšy hieapalityčny pravał apošnich hadoŭ».
Ekanamičnaja vyhada ad takoj «intehracyi», dy jašče i ŭnutrana supiarečlivaj, na fonie pastajannych «handlovych vojnaŭ», moža stać dla Biełarusi katastrafičnaj. Sajuz z adstałymi ŭ ekanamičnym sensie i niedemakratyčnymi režymami — zahadzia projhryšny. Ustupleńnie ŭ Suśvietnuju handlovuju arhanizacyju «ŭtroch» — biazhłudzica. Savieckaja nastalhija i žadańnie zastacca pry ŭładzie lubym koštam nie mohuć zrabić z Łukašenki abaroncu nacyjanalnych intaresaŭ.
Časovyja vyhady ad rasiejskaha rynku zbytu, adkul nas pastajanna vyciskajuć, niesuvymiernyja sa stratami ad enierhietyčnaj zaležnaści i palityčnaha rasiejskaha dyktatu.
Biełaruskim nacyjanalnym intaresam adpaviadaje najpierš jeŭrapiejskaja ekanamičnaja intehracyja. Nam patrebnyja novyja technałohii i zachodnija inviestycyi.Nam treba pieraaryjentavacca z enierha‑ i materyjałajomistaj vytvorčaści da praca‑ i navukovajomistaj, a nas znoŭ «kormiać» pratuchłymi savieckimi katletami napałam z muchami», — skazaŭ Sieviaryniec.
