Dyjeha Maradony vyrašyŭ zaviaršyć trenierskuju karjeru ŭ zbornaj Arhienciny paśla niaŭdačy na ČS-2010 u PAR. «Moj cykł ŭ zbornaj zavieršany.
Ja addaŭ usio, što było ŭ maich siłach. Ciapier ja chaču pabyć ź siamjoj », - zajaviŭ u intervju telekanału Cronica TV trenier.
Tym nie mienš, kanał padkreślivaje, što aficyjnaha prašeńnia ab adstaŭcy Maradona pakul nie padavaŭ. Nijakich kamientaryjaŭ z boku asacyjacyi futboła Arhientyny (AFA) taksama nie było.
Pad kiraŭnictvam Maradony arhientynskaja zbornaja vielmi paśpiachova vystupiła na hrupavym etapie Kubka śvietu, atrymaŭšy try pieramohi nad kamandami Nihieryi (1:0), Paŭdniovaj Karei (4:1) i Hrecyi (2:0). U 1 / 8 finału Arhiencina abyhrała Mieksiku 3:1, ale była razhromlena niemcami ŭ čverćfinale - 0:4. Maradona nazvaŭ hety dzień horšym u svaim žyćci.
Pa viartańni na radzimu zaŭziatary naładzili kamandzie ciopły pryjom i prasili Maradony zastacca na čale zbornaj, skandujučy: «Dyjeha! Dyjeha!», a taksama vyviesiŭšy baniery: «Dyjeha, zastańsia! My z taboj».Adnak aficyjnaj zajavy z nahody svaich płanaŭ hałoŭny trenier zbornaj Arhientyny tak i nie zrabiŭ.
Dyjeha Maradony ŭ jakaści futbalista vystupaŭ za zbornuju Arhientyny z 1977 pa 1994 hady. Hałoŭnym trenieram kamandy jon staŭ u listapadzie 2008 hoda.