Pa vinie pjanaha kiroŭcy zahinuli dvoje jaho pasažyraŭ

U Pružanskim rajonie ŭ DTZ zahinuli dva pasažyry aŭtamabila, jakim kiravaŭ pjany vadziciel. Avaryja adbyłasia na aŭtadarozie pablizu vioski Mahiloŭcy 5 lipienia kala 14.00.

34-hadovy vadziciel, žychar vioski Mahiloŭcy, nie spraviŭsia z kiravańniem aŭtamabila «VAZ 2121», vyjechaŭ na abočynu i ŭrezaŭsia ŭ prydarožnaje dreva. U sałonie aŭtamabila znachodzilisia try pasažyry.

Dva pasažyry, žychary viosak Mahiloŭcy i Masievičy, ad atrymanych traŭmaŭ pamierli na miescy.

Vadziciel i jašče adzin pasažyr nie paciarpieli. Ustanoŭlena, što vadziciel byŭ u stanie ałkaholnaha apjanieńnia i nie mieŭ prava na kiravańnie transpartnym srodkam.

Pa hetym fakcie raspačata sprava na padstavie č. 3 art. 317 Kryminalnaha kodeksa (parušeńnie praviłaŭ darožnaha ruchu abo ekspłuatacyi transpartnych srodkaŭ).

Usiaho ŭ Bresckaj vobłaści z pačatku 2010 hoda pa vinie vadzicielaŭ, jakija nie mieli pravoŭ, učynieny 39 DTZ (16 — u stanie ałkaholnaha apjanieńnia), u jakich čatyry čałavieki zahinuli i 44 byli paranieny.

Nadzieja Kuksa, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH