Vam nie vielmi daspadoby Baskaŭ i vy nie ŭpeŭnieny, ci lubicie rasijski šanson nahetulki, kab adsiedzieć ceły kancert Stasa Michajłava i Vajenhi? Sioleta na «Słavianskim bazary» parupilisia, kab hości «bazarnaj» stalicy zmahli prabavić fest admietna, pa-alternatyŭnamu. Na «Bazary» ŭžo vystupiŭ Ivan Kirčuk z «Troicaj», a jašče nas čakajuć:
12 lipienia a 19-j u kancertnaj zali «Viciebsk» – padvojny kabare-vystup.
Aleh Skrypka, lider hurta «Vopli Vidaplasava», sa svaim novym džaz-kabare-prajektam.Jak by heta akreślić pasłušniej: kali b Leanid Uciosaŭ naradziŭsia nie ŭ Adesie ŭ habrejskaj siamji, a ŭ Tadžykskaj SSR u siamji kijeŭca i roskvit jaho talentu prypaŭ by nie na savieckija, a samaścijnyja časy, dy heta byŭ by samieńki «Džaz-Kabare Aleha Skrypki»:
Na toj ža scenie adbudziecca kancert biełaruskaha teatralnaha bałahanu «Srebnaje viasielle».Lidercy SV Bieńcy ciažka znajści adpaviednik u daŭniejšaj biełaruskaj muzycy, tamu jana — niepaŭtornaja ŭ svaich muzyčnych dzivactvach. Tut i francuzski šanson, i bosa-nova, i kabare i navat štości ad rasijskaha roku absurdysckaha hatunku. Košt kvitkoŭ – 25-45 tys.
Jana źniataja pavodle matyvaŭ fantastyčnaj apovieści Andreja Sałamatava, a hałoŭnuju rolu vykonvaje ŭkrainski aktor Siarhiej Babkin. A jašče siarod składu – Bohdan Stupka, Alaksandr Bašyraŭ. «Adrynańnie» — zachaplalnaja, poŭnaja niespadziavanych vyhinaŭ historyja pra čałavieka, jaki sutyknuŭsia z poŭnym pokryšam zvykłaha śvietu. Košty kvitkoŭ – 10 tys.12 lipienia a 16-j u viciebskim Domie kino (kinateatr «Spartak») — ukrainska-rasijskaja mastackaja stužka režysiora Uładzimira Lerta «Adrynańnie» («Ottoržienije»).
14 lipienia a 19-j u kancertnaj zali «Viciebsk» – ekskluziŭny kancert zorak suśvietnaha maštabu Nino Katamadze i hurtu Insight.Narodnaja i elitarnaja ŭvadnačaśsie, džazavaja śpiavačka, jakoj dastatkova prosta vyjści na scenu i zaciahnuć miełodyju, kab, ni słova nie razumiejučy pa-hruzinsku, uvieś śviet miełanchalična rumzaŭ. Akampanijatary, hurt Insight, starajucca štokancertu vykanać miełodyju pa-novamu, tamu štoraz nas čakaje sustreča z novaj Nino. Chto bližejšy za ŭsich u muzyčnym sensie da Katamadze? Chiba Alina Arłova, fienamienalnaja śpiavačka ź Litvy. Kvitki – 30-60 tys.
Jak my bačym, pryčynaŭ u rasijskaha muzyčnaha krytyka Arciemija Troickaha nazyvać «Słavianski Bazar» «samym staramodnym u eks-SSSR papsovym fiestyvalem» usio mienš i mienš.
0
0
0
0
0
0
