Fiestyval projdzie 21 žniŭnia ŭ druhi raz. Sioleta jon pryśviačajecca ažno čatyrom značnym datam: 730-hodździu zasnavańnia Halšanaŭ, 605-hodździu Sofji Halšanskaj, 600-hodździu pieramohi ŭ Hrunvaldskaj bitvie i 400-hodździu zamka.
Aŭtamabil Źmiciera Sasnoŭskaha staŭ razynkaj letašniaha festu.
Ale adkryćcia nijakich pamiatnych znakaŭ nivodnaj z dat nie pradbačycca.
Admietnaściu sioletniaha «Halšanskaha zamka» stanuć masavyja bitvy rycaraŭ i pašyrany ŭdzieł u feście hurtoŭ, što hrajuć staradaŭniuju muzyku.
Čakajecca ŭdzieł «Staroha Olsy», «LitvinTrola», «Testamentum Terre», «Rasalii», «Kielich Koła», «Haljardy», Cornucopia.
Letašni fest, pa słovach adnaho z arhanizataraŭ Alaksandra Kušniera, sabraŭ blizu 2 tysiač čałaviek. Hetaha dastatkova, kab jaho było metazhodna pravodzić z punktu hledžańnia finansavych układańniaŭ. I sioleta arhanizatary čakajuć nie mienšuju kolkaść udzielnikaŭ. Tym bolš, što fest pieraniesieny na paŭtara miesiaca napierad. Letaś jon prachodziŭ u kastryčniku, kali nadvorje było chałodnaje.
Što jašče budzie sioleta ŭ prahramie?
Turnir łučnikaŭ, konny turnir, staradaŭnija tancy, konkursy, fajer-šou.
Fiestyval projdzie 21 žniŭnia z 11.00 da 22.00 u miastečku Halšany (Ašmianski rajon). Uvachod budzie kaštavać 25 tysiač rubloŭ. Ź Minska arhanizujecca dajezd na aŭtobusach. Pakinuć zajaŭku možna tut.
