Stupień upłyvu Rasii i Jeŭropy na vyniki prezidenckich vybaraŭ u Biełarusi budzie nievysokaj, tamunacyjanał-demakratyčnym siłam nieabchodna raźličvać tolki na siabie. Pra heta zajaviŭ lider Partyi BNF Alaksiej Janukievič na schodzie členaŭ sojma 24 lipienia.
Na dumku palityka, Jeŭropa i ZŠA padčas vybarčaj kampanii buduć vieści siabie dastatkova pasiŭna, u toj čas jak Rasija — uzmacniać svoj upłyŭ, u pieršuju čarhu ŭ infarmacyjnym płanie.
«Da daty praviadzieńnia prezidenckich vybaraŭ infarmacyjnaja kampanija suprać Łukašenki budzie ŭzmacniacca. Pakazanyja pa NTV siužety — nie razavyja. Rasija budzie pracavać na toje, kab Łukašenka nie staŭ prezidentam», — pierakanany Janukievič. U pryvatnaści, ličyć jon, Rasija moža raspaŭsiudzić infarmacyju pra niejkija bankaŭskija rachunki pradstaŭnikoŭ uładaŭ za miažoj.
Razam z tym, adznačyŭ lider Partyi BNF, ryčahi infarmacyjnaha ŭpłyvu na nasielnictva Biełarusi ŭ Rasii nievialikija, tamu nie vyklučana, što Maskva budzie sprabavać stvaryć u Biełarusi niejkuju prarasijskuju siłu.
«U takoj situacyi my vymušany zmahacca na dva fronty — suprać Łukašenki i mahčymaha prarasijskaha kandydata.Pavodle prahnozam Janukieviča, ułady pojduć na falsifikacyi padčas prezidenckich vybaraŭ. «Svaju pazicyju ŭ takoj situacyi my zmožam adstajać tolki płoščy. Užo ciapier nam treba rychtavacca da jaje. Inšy sposab paŭpłyvać na situacyju ŭ nas naŭrad ci budzie», — pierakanany lider partyi.Nacyjanalna-demakratyčnyja siły pavinny raźličvać tolki na siabie», — padkreśliŭ palityk.
Nahadajem, ad Partyi BNF na pasadu prezidenta budzie bałatavacca namieśnik staršyni Ryhor Kastusioŭ. Pry hetym partyja praciahnie pieramovy ab vyłuečeńni adzinaha kandydata ŭ prezidenty ŭ ramkach «Biełaruskaha niezaležnickaha błoka».
