Suśvietnaja arhanizacyja achovy zdaroŭja kanstatuje: siońnia zališniaja masa cieła i atłuścieńnie vyklikajuć bolš prablem sa zdaroŭjem, čym hoład i infiekcyjnyja chvaroby. Pryčym, kali raniej atłuścieńnie čaściej za ŭsio sustrakałasia ŭ darosłych paśla 30–40 hadoŭ, to ciapier praktyčna va ŭsich krainach śvietu vyjaŭlajecca ŭsio bolš dziaciej i padletkaŭ, jakija pakutujuć ad hetaj niemačy. I kožnyja 30 hadoŭ ich kolkaść padvojvajecca.
Śviet toŭstych
Reč navat nie ŭ tym, što być toŭstym niamodna abo niepryhoža, što poŭnaha padletka buduć dražnić i jon nie budzie karystacca papularnaściu ŭ supraćlehłaha połu. Zališniaja masa cieła niasie realnyja pahrozy dla zdaroŭja. Pryčym u siońniašnich poŭnych padletkaŭ raźvivajucca chvaroby, jakija raniej byli charakternyja dla
Atłuścieńnie daloka nie biaskryŭdnaje i dla repradukcyjnych funkcyj. Tłuščavaja tkanka — heta krynica estrahienaŭ, žanočych pałavych harmonaŭ. U dziaŭčynak jana stymuluje rańniaje pałavoje vyśpiavańnie, a kala treci chłopčykaŭ ź lišniaj masaj cieła, naadvarot, sutykajucca z zatrymkaj pałavoha raźvićcia. U darosłym uzroście ŭ dziaŭčat časta raźvivajecca polikistoz jaječnikaŭ i jak vynik — biaspłodnaść. U poŭnych junakoŭ pavialičvajecca ŭzrovień estrahienaŭ, što adbivajecca na ich mužčynskim zdaroŭi.
Mnohija doŭhaterminovyja nastupstvy dziciačaha i padletkavaha atłuścieńnia pakul nieviadomyja. Ale ŭžo siońnia vučonyja pradrakajuć «toŭstamu pakaleńniu» praciahłaść žyćcia nie bolš za 50–55 hadoŭ.
Nie vinavaćcie harmony i spadčynu
«Kali dzicia toŭstaje — heta, napeŭna, harmanalnaje», upeŭnienyja mnohija. Tak, harmanalnyja i hienietyčnyja parušeńni byvajuć pryčynaj paŭnaty. Ale nie im naležyć palma pieršynstva.
Pałomka adnaho hiena sapraŭdy moža vieści da taho, što dzicia pakutuje ad niekantralujemaha apietytu, tłumačać miedyki. Adnak hetyja parušeńni, nazvanyja manahiennymi formami atłuścieńnia, vielmi redkija, i ich ciažka nie zaŭvažyć: takoje dzicia z naradžeńnia hatova jeści bieśpierapynna i, jak praviła, traplaje pad nahlad endakrynołaha ź pieršych miesiacaŭ žyćcia.
Adnak ryzyka raźvićcia atłuścieńnia — usiaho tolki ryzyka, a nie niepaźbiežnaść. Heta padstava nie apuskać ruki, a z samaha naradžeńnia dziciaci kłapacicca ab arhanizacyi jaho zdarovaha charčavańnia. Mienavita z naradžeńnia: mnohija daśledčyki ličać, što suśvietnaja epidemija atłuścieńnia nie vypadkova supała z pavalnym štučnym karmleńniem. Bolšaść padletkaŭ, jakija pakutujuć ad zališniaj vahi, byli «štučnikami».
U jakaści pieršaha prykormu piedyjatry rekamiendujuć piure z aharodniny, a nie kašy, asabliva kali dzicia ŭžo nie chudzieńkaje.
I ŭsio ž čaściej za ŭsio paŭnata maje «bytavyja» pryčyny.
Siońnia ŭžo vyznačana, što da naboru lišniaj vahi pryvodziać:
redkija, ale sytnyja pryjomy ježy;
admova ad śniadanku (dakazana: dzieci, jakija nie śniedajuć, pierajadajuć u abied i ŭ viačeru);
poźniaja sytnaja viačera;
niedastatkovaje ŭžyvańnie paŭnavartasnych białkoŭ, a taksama śviežaj sadaviny, aharodniny i zialeniva;
vialikaja kolkaść praduktaŭ, jakija ŭtrymlivajuć skrytyja tłuščy i lohkazasvajalnyja vuhlavody (łasunki,
i, viadoma ž, małaruchomy ład žyćcia.
Žyć nie dla taho, kab jeści
Dla ŭsich nas ježa — daloka nie tolki zadavalnieńnie bijałahičnaj patreby. Pryjom ježy zaŭsiody niasie psichałahičnuju, emacyjnuju nahruzku. Jość siemji, dzie ježaj zamianiajuć luboŭ: mamy i babuli prosta nie viedajuć inšaha sposabu vykazać svaju piaščotu, akramia jak nakarmić dzicia «da advału». Voś samyja raspaŭsiudžanyja pamyłki.
Za prablemaj lišniaj vahi časta stajać parušeńni samych rańnich stasunkaŭ z maci, l adznačajuć miedyki. Siońnia bolšaść piedyjatraŭ rekamiendujuć karmić hrudnička pa patrabavańni. Ale nie pa pieršym pisku! Kali mama nie starajecca zrazumieć, pra što mienavita dzicia sihnalizuje svaim płačam, a adrazu prapanuje jamu hrudzi abo butelečku, takim čynam jana pryvučaje jaho i ŭ budučyni «zajadać» stres, vykarystoŭvać ježu dla zaspakajeńnia.
Arhanizm, jaki raście, imknucca zabiaśpiečyć usim samym smačnym i karysnym tak, što dzicia časta kormiać suprać jaho žadańnia. Heta niedapuščalna, jak i luby hvałt. Prymušajučy dzicia jeści, kali jano nie hałodnaje, jaho pryvučajuć nie čuć sihnały ŭłasnaha arhanizma, adbivajuć u jaho naturalnaje adčuvańnie «ja syty, mnie chopić». Mienavita z takich dziaciej vyrastajuć darosłyja, jakija za stałom nie ŭmiejuć spynicca, i ŭsio žyćcio hieraična zmahajucca ź lišniaj vahoj.
Škodna karmić i z uhavorami, adciahvalnymi manieŭrami, z «pieśniami i tancami». Usio heta — sposaby parušyć naturalnaje adčuvańnie hoładu i sytaści, a značyć — pramy šlach da lišniaj vahi (i da bukieta psichałahičnych prablem u dadatak).
Narešcie, jašče adzin sposab, jakim baćki pryščaplajuć dzieciam niezdarovaje staŭleńnie da ježy, — heta vykarystańnie łasunkaŭ dla ŭznaharodžvańnia i pakarańnia. Za dobryja pavodziny my abiacajem cukierku, za niepasłuchmianaść pahražajem pakinuć biez sałodkaha — a potym dzivimsia, što mienavita hetyja napaŭzabaronienyja prysmaki stanoviacca pradmietam žadoby.
Treba stavicca da ježy mienavita jak da ježy, nie nahružajučy jaje dadatkovym sensam, nie vykarystoŭvajučy jaje jak instrumient dla manipulacyj.
Kali dzicia nie choča jeści pryhatavanuju vami ježu, heta nie značyć, što vy drennaja maci abo što jano vas nie lubić. Heta značyć tolki toje, što ciapier jano nie hałodnaje.
Z samaha naradžeńnia daviarajcie małomu i jaho naturalnamu adčuvańniu sytaści (ni adno dzicia na śviecie jašče nie zamaryła siabie hoładam).
Tady i jano samo budzie daviarać svaim adčuvańniam — i nie stanie ŭ dalejšym jeści ad niama čaho rabić abo zajadać stres.
Nie hulajcie ŭ «tavarystva čystych talerak». Vypracavanaja ŭ siamji zvyčka dajadać usio, što lažyć na talercy, na 25% pavialičvaje vierahodnaść atłuścieńnia.Lepš pamienšycie porcyi i pry nieabchodnaści davajcie dabaŭku.
Nikoli nie karmicie dzicia pierad televizaram. Biezumoŭna, heta lohki sposab: mihatlivy ekran hipnatyzuje, i dzicia pasłuchmiana raziaŭlaje rot… nabyvajučy zvyčku najadacca biez žadańnia i biez zadavalnieńnia.
Praca nad pamyłkami
Što rabić, kali prablema lišniaj vahi ŭ dziciaci ŭžo jość? Časta padletak sam choča pachudzieć i hatovy dla hetaha sieści na dyjetu. Voś hetaha nielha dapuścić ni ŭ jakim razie. Miedyki tłumačać: bolšaść ahulnaviadomych dyjet aryjentavanaja na darosłych. Jany nie ŭličvajuć patreb arhanizma, jaki raście, i časta pryvodziać da parušeńniaŭ raźvićcia
Tamu, uśviadomiŭšy prablemu, viadzicie dzicia da piedyjatra, a jon užo nakiruje da patrebnych śpiecyjalistaŭ. Dyjetołah abo hastraenterołah daść rekamiendacyi pa karekcyi racyjonu. Dalej — pytańnie dyscypliny ŭsioj siamji. Nijakija śpiecyjalisty nie dapamohuć, kali ŭ chaładzilniku
Ale racyjanalnaje charčavańnie — tolki pałova spravy. Druhaja pałova — fizičnaja nahruzka. Pačać možna, naprykład, z chady. Šmat chto ličyć, što chada — heta niesurjozna, ale ŭ padletka ź lišniaj vahoj časta naohuł niama nijakaj fizičnaj nahruzki. Kali prapisać jamu dźvie hadziny chady ŭ dzień (chacia b u škołu i sa škoły pieššu), heta ŭžo daść adčuvalnyja vyniki. Viadoma, i tut dobra b padklučycca ŭsioj siamji: razam hulać, chadzić u basiejn, katacca na rolikach… Bolš efiektyŭny i, mahčyma, pryvabny dla padletka varyjant — zapisać jaho ŭ dobry
Adnak ni karekcyja racyjonu, ni fizičnaja aktyŭnaść nie dapamohuć, kali dzicia nie budzie adčuvać vašaha biezumoŭnaha pryniaćcia. Lišniaja vaha — heta prablema, jakuju treba vyrašać, ale ŭ dziciaci nie pavinna ŭźnikać sumnieńnia, što baćki lubiać jaho lubym.
I endakrynołahi, i dyjetołahi rekamiendujuć padychodzić da prablemy lišniaj vahi kompleksna, dałučajučy da raboty psichołaha abo psichaterapieŭta. Časta psichałahičnaja dapamoha patrebnaja ŭsioj siamji, tamu što mienavita baćki tranślujuć dziciaci ŭłasnyja niezdarovyja stereatypy. U lubym vypadku prablema vyrašalnaja, hałoŭnaje — uziacca za jaje.
Madel talerki
Zdarovaje charčavańnie — zusim nie abaviazkova sumnyja padliki białkoŭ, tłuščaŭ i vuhlavodaŭ. Dastatkova jeści pa «madeli talerki». Kožnaja talerka, jakuju vy prapanujecie dziciaci, pavinna dzialicca na čatyry častki.
Pałovu zapaŭniajem śviežaj abo advarnoj harodninaj (akramia bulby), pryčym sumlenna: bieź dziortaha syru, majanezu i inšych tłustych padlivak i zapravak.
Na čverć talerki kładziom białkovyja pradukty — niatłustaje miasa, rybu, jajki, tvaroh, babovyja.
Astatniaja čverć — składanyja vuh lavody: krupy, bulba, rys, makarona (taksama biez kałaryjnych padlivak i majanezu).
