Zachvorvańni orhanaŭ zroku zajmajuć pieršaje miesca pa raspaŭsiudžańni ŭ vučnioŭskaj moładzi.
Pra heta na sumiesnaj kalehii Ministerstva adukacyi, Ministerstva achovy zdaroŭja i Ministerstva sportu i turyzmu 29 lipienia ŭ Minsku paviedamiŭ načalnik upraŭleńnia arhanizacyi miedycynskaj dapamohi Ministerstva achovy zdaroŭja Ivan Ryžko.
Pavodle jaho słoŭ, kali ŭ pieršych kłasach ad mijapii (blizarukaści/nizkavokaści) pakutujuć prykładna 7% školnikaŭ, to bližej da vypusknych kłasaŭ ich pracent uzrastaje da 20. Na druhim miescy pa stupieni raspaŭsiudžańnia znachodziacca roznyja parušeńni pastavy, na trecim — psichičnyja zachvorvańni.
U cełym, pavodle słoŭ Ryžko, zhodna z vynikami dyspansieryzacyi ŭ Biełarusi prykładna 26% dziaciej majuć I hrupu zdaroŭja, heta značyć zdarovyja, prykładna 58% — II hrupu (pieranieśli niejkija zachvorvańni abo časta i praciahła chvarejuć), prykładna 14% — III hrupu (z chraničnymi zachvorvańniami) i prykładna 2% — invalidy.
Śpiecyjalist paviedamiŭ, što 45 dziaciej znachodziacca na ŭliku ŭ narkałahičnaj słužbie z dyjahnazam «ałkahalizm» i vosiem — «narkamanija». Kažučy ab prablemie padletkavaj ciažarnaści, Ryžko zaznačyŭ, što ŭ Biełarusi takich vypadkaŭ u 2,5 razu bolš, čym u krainach Zachodniaj Jeŭropy, dzie, pavodle statystyki SAAZ, fiksujecca 5–20 vypadkaŭ ciažarnaści na tysiaču dziaŭčat 15–19 hadoŭ. Pryblizna 70% padletkavaj ciažarnaści ŭ Biełarusi zakančvajucca rodami.
Na dumku Ryžko, dla vyrašeńnia nazvanych prablem nieabchodna ŭmacavać
Hałoŭny dziaržaŭny sanitarny ŭrač Biełarusi Valancina Kačan taksama kanstatavała prablemu niedastatkovaj fizičnaj nahruzki vučnioŭskaj moładzi. «Ministerstva achovy zdaroŭja vystupaje za toje, kab usie mierapryjemstvy, źviazanyja ź fizičnaj nahruzkaj, nie vynosilisia za miežy navučalnaj prahramy, — skazała jana. — Siońnia, jak praviła, ich starajucca pieranieści na subotnija dni».