Minčanka budzie pryciahnuta da administracyjnaj adkaznaści za svajho syna, jaki raspyliŭ u aŭtobusie piarcovy haz z bałončyka. Pra heta paviedamiła pres-aficer Centralnaha RUUS Minska Kaciaryna Lisoŭskaja.
Pavodle jaje słoŭ, incydent adbyŭsia 15 lipienia ŭ aŭtobusie, jaki ruchaŭsia z rynku ŭ Ždanovičach u Minsk. Kampanija 13-hadovych padletkaŭ nabyła bałončyk z hazam, a vyprabavać jaho vyrašyła na kanduktary-kantralory. Pry hetym strumień vypuščanaha hazu abdaŭ i ich samich. Kantralor vyklikała narad milicyi, jaki i zatrymaŭ školnika, što raspyliŭ piarcovy haz.
Uličvajučy ŭzrost padletka, da adkaznaści pa artykule 9.4. KoAP za nievykanańnie abaviazkaŭ pa vychavańni dziaciej pryciahnuć maci. Sam chulihan pastaŭleny na ŭlik u inśpiekcyju pa spravach niepaŭnaletnich.
Viačasłaŭ Budkievič, BiełaPAN.
0
0
0
0
0
0