4 kastryčnika ŭnačy startuje rehularnaje pieršynstvo ŭ Nacyjanalnaj chakiejnaj lizie, najmacniejšaj lizie planety, dzie sabranyja najlepšyja hulcy z usiaho śvietu. Sioleta ŭ NCHŁ budzie hulać tolki adzin biełarus — Rusłan Salej.
Rusłan hetym letam pierabraŭsia z «Anahajmu Majci Daks», za jaki hulaŭ padčas usioj svajoj zaakijanskaj karjery i dajšoŭ ŭ 2003 h. finału Kubku Stenli, u «Florydu Panterz». «Pantery» nia samy mocny klub lihi, ale z dapamohaj Rusłana i jašče niekalkich vopytnych hulcoŭ jany dumajuć pieraadoleć čornuju pałasu.
Niebłahija šancy jašče sioleta zaśviacicca ŭ składzie słavutaha «Manreal Kanadyjanz» majuć Andrej Kaścicyn i Michaił Hraboŭski, jakija byli adčeplenyja ad kamandy ŭ apošni momant. Jany raspačnuć sezon u farm-klubie «Manreala» «Hamiltan Buldohz», ale najchutčej užo bližejšym časam buduć vyklikacca i ŭ hałoŭnuju kamandu.
Hetym letam u treninh-kempach NCHŁaŭskich kamandaŭ udzielničali jašče try biełarusy Siarhiej Kaścicyn («Manreal Kanadyjanz»), Siarhiej Kołasaŭ («Detrojt Red Ŭinhz») i Kanstancin Zacharaŭ («Sent-Luis Bluz»), ale ichnija sproby zamacavacca ŭ najmacniejšaj lizie śvietu nakrylisia viečkam.
