Biełaruskaja čyhunka raspracoŭvaje prajekt historyka-turystyčnaha kompleksu na ŭčastku Hrodna — Parečča, paviedamili ŭ pres-słužbie BČ. Mienavita tut u 1851–1862 hadach byŭ pabudavany pieršy čyhunačny ŭčastak u Biełarusi.
Asablivaściu muzieja pad adkrytym niebam stanie źjaŭleńnie retra-ciahnika. U jaho buduć uvachodzić 4 vahony pieršaha, druhoha i treciaha kłasaŭ, pryčeplenyja da paravoza. Vahony, niahledziačy na stylizacyju pad daŭninu, buduć asnaščanyja pavodle apošniaha słova techniki. Na ścienach buduć raźmieščany televizijnyja ekrany. Dla zručnaści pasažyraŭ praduhledžany kandycyjaniery i vakuumny tualet. Śpiecyjalisty pracujuć užo z archivami čyhunki, kab uznavić vahony kanca XIX — pačatku XX st. Vypuścić ich uzialisia Minski i Homielski vahonaramontnyja zavody.
Paravozy ŭ retra-ciahnika buduć dvuch typaŭ: na vadkim i ćviordym palivie. Jany buduć mianiacca ŭ zaležnaści ad nasyčanaści ekskursijnaj prahramy pasažyraŭ. Kali turysty zachočuć adčuć ramantyku raboty kačahara, im pradastaviać paravoz na ćviordym palivie.
Usie achvotnyja zmohuć samastojna zakinuć niekalki šuflaŭ vuhalu ŭ topku paravoza i sfatahrafavacca.
U Pareččy pasažyraŭ budzie čakać fota na suvieniry i dypłom kačahara.
U čas ruchu ciahnika ekskursavod raskaža pasažyram ab historyi Biełaruskaj čyhunki i ab architekturnych pomnikach Hrodzienskaj vobłaści. Akramia taho, pasažyry zmohuć pahladzieć histaryčnyja filmy i fatahrafii, pasłuchać muzyku.
Pa maršrucie retra-ciahnika płanujecca adrestaŭravać i ŭznavić čyhunačnuju infrastrukturu kanca XIX — pačatku XX stahodździa: ad stancyj i vadakačak da fanarnych słupoŭ i zvanoŭ na płatformach. Uvieś absłuhovy piersanał budzie adziety ŭ stylizavanuju pad daŭninu formu.
Na stancyi «Hrodna» budzie pabudavany muziej čyhunačnaha transpartu. Na stancyi «Parečča» płanujecca pabudavać amfiteatr dla vystupleńnia arkiestra, dziciačuju placoŭku, punkty charčavańnia, suvienirnyja mahaziny. Stajanka ciahnika na kancavoj stancyi budzie pradaŭžacca niekalki hadzin. Paśla retra-ciahnik budzie dastaŭlać turystaŭ nazad u Hrodna.
BIEŁTA
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
