U šviejcarskim Ńjonie adbyłosia losavańnie płej-of Lihi Jeŭropy. U hetuju stadyju trapili try biełaruskija kłuby.
Pieršym z košykaŭ było vyciahnutaje minskaje «Dynama». Fartuna była na baku minčukoŭ.
U supierniki kamandzie Uładzimira Holmaka trapiŭsia bielhijski «Bruhie».Hetaja kamanda trynaccać razoŭ vyjhravała pieršynstva Bielhii. Apošni raz — u 2005.
Ź bielhijskimi kamandy našy kłuby sustrakalisia trojčy. Minskaje «Dynama» jašče sa savieckim časam sastupiła «Miechielenu». Dva hady nazad biełarusy adužali pa sumie dvuch matčaŭ «Anderlecht», a letaś «Naftan» za košt hołu na čužoj placoŭcy prajhraŭ «Hientu».
Pieršy matč adbudziecca ŭ Bielhii. Kolery «Bruhie» — sinie-čornyja.
Zatoje BATE nie pašancavała zusim. U supierniki kamandzie mahli trapicca niamohłyja valijcy i finy, a trapiŭsia partuhalski «Marycimu».
Kamanda z vyspy Madejra letaś zaniała piataje miesca ŭ čempijanacie Partuhalii. A adnojčy, u dalokim 1926 hodzie, była čempijonam krainy.
Pieršuju hulniu barysaŭcy praviaduć doma. Letaś u hrupavym etapie Lihi Jeŭropy BATE supierničała ź lisabonskaj «Bienfikaj». Abodva matčy biełarusy prajhrali.
Darečy, u svoj čas za «Marycimu» hulaŭ viadomy napadajučy Dani.
Ale najbolš hrozny supiernik dastaŭsia mahiloŭskamu «Dniapru». U hości da mahiloŭcaŭ pryjedzie ispanski «Viljareał».
Try hady nazad hrozny «Viljareał» ekzamienavaŭ barysaŭski BATE. Doma ispancy vyjhrali ź likam 4:1, a ŭ haściach pieramahli 2:0.
Zrešty, «žoŭtaja padvodnaja łodka» da «Dniapra» jašče moža nie pryjechać. A jaje miesca zaniać ispanskaja «Maljorka». Pytańnie vyrašycca bližejšym časam.
«Dniapro» pieršuju hulniu praviadzie ŭ haściach.
Matčy płej-of adbuducca 19 i 26 žniŭnia.
