Pravierka biełaruskaha pravapisu ŭ Google Chrome ciapier nie prablema.
Minski prahramist Alaksiej Sakałoŭ prystasavaŭ biełaruskamoŭnyja słoŭniki pravierki pravapisu da braŭziera ad viadomaha internet-pašukavika.
U raspracoŭcy prahramist abapiraŭsia na słoŭniki, što vykarystoŭvajucca ŭ braŭziery Mozilla Firefox. Alaksiej zrabiŭ ich zrazumiełymi dla braŭziera Chrome i nakiravaŭ prapanovu vykarystoŭvać napracoŭku ŭ aficyjnych vydańniach prahramy da kiraŭnictva Google.
Alaksiej Sakałoŭ pracuje sistemnym administrataram. Dadatak da braŭziera rabiŭ pa ŭłasnaj inicyjatyvie — prahramist chacieŭ dapamahčy z prablemaju karystalnikam Internet.
Alaksiej zajmaŭsia pierakładam prahramaŭ, dapamahaŭ u pierakładzie interfiejsu servisaŭ Google, biare ŭdzieł u standartyzacyi biełaruskaj kamputarnaj terminałohii i źjaŭlajecca stvaralnikam i hałoŭnym raspracoŭščykam biełaruskaj apieracyjnaj systemy TrueBSD, raźvićcio jakoj ŭ apošni čas trochu prypyniena.
U budučyni Alaksiej płanuje pierakłaści ŭsie sajty firmy, u jakoj pracuje, na biełaruskuju movu i ŭžo viadzie pieramovy z načalstvam.
Hałoŭnaja meta prahramista: ŭdzielničać u palapšeńni rodnaj movy, prydumlać i standartyzavać, kab paźbiehnuć błytaniny, novyja słovy, paniatki, terminy, kab biełaruskaja mova zaŭsiody była dynamičnaj.
Raniej “Naša Niva” pisała, što kiraŭnictva Huhła nie śpiašajecca ŭvodzić biełaruski interfiejs. Alaksiej Sakałoŭ ličyć, što jahony dadatak — žyvoje śviedčańnie nieabchodnaści biełaruskaj movy ŭ prahramnych praduktach ad Google, bo isnuje popyt i biełarusy sami hatovyja ŭdzielničać u raspracoŭcy.
Dla braŭziera Google Chrome spampavać słoŭnik z kłasičnym pravapisam možna tut, aficyjnym — tut
U Windows nieabchodna zamianić fajł z rasijskim (ci lubym inšym, abranym u naładkach braŭziera) pierakładam ŭ dyrektoryi C:\Documents and Settings\\Local Settings\Application Data\Google\Chrome\Application\Dictionaries.
U Linux/BSD adpaviednaja dyrektoryja — ~/.config/google-chrome/Dictionaries/
