Učora prajšli paŭtornyja matčy 1/8 finału Kubku Biełarusi pa futbole. Abyšłosia biaz značnych sensacyjaŭ. Adzinym pradstaŭnikom nižejšych lih, što trapiŭ u vosiemku najmacniejšych, staŭsia FK «Miensk» (D2), jaki asiliŭ mahiloŭskaje «Dniapro». Praŭda, «mieścičy», vidać užo naleta buduć hulać u najvyšejšaj lizie.
Daviałosia panervavacca i žodzinskim «tarpedaŭcam», jakija ŭrešcie pavodle sumy dvoch matčaŭ pieradužali supraciŭ FK «Połacak» (D3). Haradzienski «Nioman» nieŭspadzieŭki lohka adoleŭ barjer u vyhladzie FK «Homiel», pieramohšy tych u abodvuch matčach. Bieraściejskija «dynamaŭcy» nie adčuli žadnaha supracivu ad mienskaha «Lakamatyvu» – 1:4, 1:3.
Jašče praściej pieramohi dalisia mienskim «dynamaŭcam», im supraćstajaŭ rečycki «Viedryč-97» (D2) – 4:0, 3:0. Salihorski «Šachtar» paśla ničyjnaj ŭ pieršym matčy razhramiŭ viciebskich «čyhunačnikaŭ» u paŭtornym – 1:4. MTZ-RIPA dvojčy pa 1:3 pierahulaŭ škłoŭski «Spartak» (D3).
Lider čempijanatu barysaŭski BATE na hałavu pieravysiŭ ždanovickuju «Darydu» – 4:0. U pieršym ža matčy «mineralnaja» družyna navat zmahła ŭziać
– 0:1. Pavodle sumy dvuch matčaŭ barysaŭcy kročać dalej.
Uviesnu ŭ 1/4 finału mižsobku padužajucca: «Tarpeda» (Žodzina) – FK «Miensk», MTZ-RIPA (Miensk) – BATE (Barysaŭ), «Šachtar» (Salihorsk) – «Dynama» (Bieraście), «Dynama» (Miensk) – «Nioman» (Horadnia). Siarod usich paraŭ najbolšuju zaŭziatarskuju cikavaść vidavočna vykliča druhaja, dzie syducca byłaja i ciapierašniaja kamandy hałoŭnaha trenera zbornaj Jurja Puntusa.
