Alena Zachožaja, aktyvistka Biełaruskaha niezaležnaha prafsajuza, jakaja pracuje Babrujskim šynnym kambinacie, z učarašniaha dnia abvieściła haładoŭku pratestu.
Jana patrabuje spynić dyskryminacyju rabočych «Biełšyny», jakija źjaŭlajucca siabrami niezaležnych prafsajuzaŭ. Takich na kambinacie bolš za 50 čałaviek.
Zachožaja nakiravała list A. Łukašenku, u jakim raspaviadaje, što niahledziačy na 30-hadovy staž pracy jana zastajecca nieabaronienaj ad pieraśledu administracyi, i što ad traŭnia spadarynia Zachožaja i inšyja siabry niezaležnaha prafsajuza nie atrymlivajuć premijaŭ.
Administracyja «Biełšyny» śćviardžaje, što nijakaj dyskryminacyi siabraŭ niezaležnaha prafsajuza na pradpryjemstvie niama.
0
0
0
0
0
0
