Były kiraŭnik Administracyi prezidenta Biełarusi Urał Łatypaŭ, miarkujučy pa ŭsim, niakiepska zarablaje na svajoj novaj maskoŭskaj pracy.
Nieviadoma, kolki składajuć akład i bonusy byłoha ministra ŭnutranych spravaŭ Biełarusi Uładzimira Navumava na siońniašniaj jaho pasadzie pamočnika kiraŭnika dziaržkarparacyi «Rastechnałohii». Ale, miarkujučy pa ŭsim,
ich pamier nie pavinien mocna sastupać zarobkam byłoha kiraŭnika Administracyi prezidenta Biełarusi Urała Łatypava, jaki nabyŭ synu i dačce maskoŭskija kvatery ahulnym koštam kala 1 młn dalaraŭ.
Jak śviedčyć hadavaja spravazdača AAT «Maskoŭski televizijny zavod «Rubin» za 2009, u minułym hodzie hetaje pradpryjemstva ažyćciaviła ŭhody pa prodažy dvuch kvater i prykładzienych da ich mašynamiescaŭ dzieciam U. Łatypava (Alenie i Kimu) na ahulnuju sumu 930 tys. dalaraŭ. Kvatery raźmieščanyja ŭ adnym domie ŭ niepasrednym susiedstvie adna z adnoj.
Nahadajem, što Urał Łatypaŭ najciaśniejšym čynam źviazany z AAT «MTZ «Rubin». Z 2009 były najbližejšy paplečnik Alaksandra Łukašenki ŭznačalvaje kiroŭnuju strukturu hetaha bujnoha maskoŭskaha
U kiravańni Łatypava znachodzicca budaŭničy biznes hrupy (kampanija «Sozidanije»), jaje bujnyja deviełapierskija prajekty (TVC «Horbuškin dvor», TRC «Filion», dziełavy centr «Rubin», składskaja baza «Sietuń»). U partfolio «MTZ «Rubin» — taksama prajekt budaŭnictva
Kampanija ŭvachodzić u lik lideraŭ rasijskaha rynku zabudovy i ekspłuatacyi handlovych i ofisnych pamiaškańniaŭ.Tak, TVC «Horbuškin dvor» — heta adzin z najbujniejšych handlovych kompleksaŭ pa prodažy elektroniki, bytavoj techniki i miedyjanośbitaŭ u śviecie. Ahulnaja płošča kompleksu składaje 60 000 kv.m, handlovaja płošča — 35 000 kv.m. Štomiesiac TK «Horbuškin dvor» naviedvaje bolš za 1,5 młn čałaviek.
Siarod uładalnikaŭ chołdynhu Urał Łatypaŭ nie značycca. Ale adnym z hałoŭnych akcyjanieraŭ hetaj hrupy nazyvajecca ciapierašni deputat Mashardumy, uradženiec Minska Alaksandr Milaŭski.Taksama dolu ŭ AAT «MTZ «Rubin» maje kiprskaja struktura Timeturns Holdings Ltd., jakoj u Biełarusi naležać bujnyja doli ŭ AAT «Amkador» i ŭ deviełapierskaj kampanii «BNK Chołdynh» (Rubin Plaza, Silver Tower i inš.).
