Paśla dvuch hadoŭ raźbiralnictvaŭ sud Tajłanda pahadziŭsia ekstradyjavać rasijskaha biznesoŭca Viktara Buta ŭ ZŠA. Tam jaho abvinavačvajuć u handli zbrojaj, i jamu pahražaje pažyćciovy termin.Abarona Buta ličyć, što na tajłandskim sudzie ažyćciaŭlaŭsia «kałasalny cisk», i rychtujecca dakazvać palityčnuju padaploku spravy ŭžo ŭ Amierycy. Rasijski MZS užo nazvaŭ sudovaje rašeńnie niepravamiernym.
U piatnicu sud Tajłanda pastaviŭ kropku ŭ spravie ab ekstradycyi rasijca Viktara Buta. Sprava ab jaho vydačy ŭ ZŠA, dzie jamu pahražaje pažyćciovy termin za handal zbrojaj, słuchałasia ŭ sudzie Banhkoka dva hady.
Buta zatrymali ŭ stalicy karaleŭstva pa zapycie amierykanskich śpiecsłužbaŭ u 2008 pa abvinavačańni ŭ parušeńni embarha AAN na pastaŭku zbroi ŭ zony rehijanalnych kanfliktaŭ u Afrycy. Taksama, ličać amierykanskija prakurory, rasijec pradavaŭ zbroju kałumbijskim terarystam z FARC («Revalucyjnyja ŭzbrojenyja siły Kałumbii») i «sadziejničaŭ teraryzmu». Amierykancy ličać, što ŭziali rasijca na haračym: jon byŭ aryštavany ŭ chodzie śpiecapieracyi ŭ sakaviku 2008, kali ich ahienty vyjšli na Buta pad vyhladam pradstaŭnikoŭ FARC i prapanavali pradać im 100 rakiet kłasa «ziamla — pavietra», niekalki viertalotaŭ, supraćrakietnyja ŭstanoŭki, a taksama arhanizavać vykid zbroi z samalota na terytoryju Kałumbii.
Za tyja dva hady, što ZŠA biespaśpiachova damahalisia vydačy biznesoŭca, tajłandski sud paśpieŭ trojčy pamianiać svajo staŭleńnie da jaho.
Pieršapačatkova sudździ pahadžalisia z arhumientami amierykanskich prakuroraŭ, jakija śćviardžali, što biznesoviec — faktyčna pamahaty terarystaŭ, a zatym pamianiali svajo rašeńnie. U žniŭni 2009 jany zajavili, što ŭ Tajłanda da Buta pretenzij niama i złačyncam jaho nie ličać, bo FARC dla tajłandskaha ŭrada źjaŭlajecca nie terarystyčnaj, a palityčnaj arhanizacyjaj, jakaja zmahajecca za svaje pravy. Tamu i kvalifikavać dziejańni pradprymalnika jak padtrymku terarystaŭ nielha i ekstradyjavać jaho nie treba, vyrašyli ŭ Tajłandskim kryminalnym sudzie. Hetaje rašeńnie tut ža było apratestavanaje amierykanskim bokam, i hetym razam udała.
Jak raskazała žonka abvinavačanaha Ała But, tajłandski sud zadavoliŭ chadajnictva amierykanskaj prakuratury ab vydačy jaje muža ZŠA.
Abskardžańniu dadzienaje rašeńnie nie padlahaje. «Uvieś čas my nastojvali na tym, što sprava maje palityčnuju matyvacyju. Hetym razam my nie adstupili ad svajoj pazicyi, bo ŭžo ŭsiamu śvietu zrazumieła, što heta pieraśled pa palityčnych matyvach, ale sud paličyŭ našy arhumienty niedastatkovymi «, — skazała jana. Na dumku žonki pradprymalnika, na tajskich sudździaŭ akazvaŭsia «kałasalny cisk» z boku dziarždepartamienta ZŠA. «A jak inakš traktavać učorašniuju zajavu dziarždepa, pradstaŭnik jakoha skazaŭ, što sprava Viktara dla Amieryki pryjarytetnaja, i jany buduć usimi sposabami damahacca jaho ekstradycyi? Jany byli ŭpeŭnienyja, što ŭ ich usio atrymajecca «, — skazała But.
Zrešty, miarkujučy pa dziejańniach amierykanskaj prakuratury, u paśpiachovym vyniku spravy ŭ ZŠA byli ŭpeŭnienyja nie da kanca. Za niekalki hadzin da pačatku pasiedžańnia ŭ sud pastupiŭ čarhovy zapyt na ekstradycyju rasijca, hetym razam pa novych abvinavačvańniach. Havorka idzie ab kryminalnaj spravie, raspačataj u lutym hetaha hodu. Jaho fihurantami stali But i jaho dziełavy partnior Ryčard Čyčakli. Pa dadzienych śledstva, jany zajmalisia admyvańniem hrošaj praz telehrafnyja hrašovyja pieravody i internet. Ciapier pradjavić hetyja abvinavačańni supracoŭniki amierykanskich pravaachoŭnych orhanaŭ zmohuć Butu asabista.
Pa słovach žonki biznesoŭca, jaho ekstradyjujuć u ZŠA ŭ najbližejšyja dni. «Ale i tam ja maju namier dakazvać palityčnuju matyvacyju hetaj spravy. Mnie niavažna, dzie ja budu heta rabić — u ZŠA abo na Miesiacy «, — zajaviła jana. Pa słovach Ały But, jana maje namier źviarnucca pa dapamohu da rasijskich uładaŭ.
U Dziarždepie ZŠA ekstradycyju rasijca kamientujuć strymana. «My zadavolenyja rašeńniem. My ličym, što dali dastatkovuju kolkaść pierakanaŭčych dokazaŭ «, — skazali ŭPa słovach pradstaŭnika dziarždepartamienta, amierykanski bok «usio jašče znachodzicca ŭ ciesnym kantakcie z tajskim kalehami». «Jašče napiaredadni my źviazvalisia z pasłom Tajłanda, kab nahadać jamu, nakolki važny dla nas hety praces», — adznačyŭ surazmoŭca.pres-słužbie viedamstva.
Rasijski MZS, jaki zaŭsiody krytykavaŭ kryminalny pieraśled Buta, užo zajaviŭ, što ličyć rašeńnie tajłandskaha suda niepravamiernym.
