U Hłybokim nie zadavolili žadańnie školnikaŭ vučycca na rodnaj movie.
U redakcyju pazvaniła žycharka vioski Vałodźkava Julija Buka. Žančyna aburanaja, što ŭ Hłybockaj rajonnaj himnazii nie adkryli biełaruskamoŭny kłas.
Sp. Julija jašče viasnoj padała adpaviednuju zajavu ŭ himnaziju, a dačka, jakaja idzie ŭ piaty kłas, navat zdała ispyty.
Ale za tydzień da pačatku navučalnaha hoda dyrektarka himnazii paviedamiła, što sioleta biełaruskamoŭnaha kłasa nie budzie.
«Nam prapanavali iści ŭ ruskamoŭny albo viartacca ŭ svaju škołu. A ja nie chaču, kab byŭ tolki taki vybar».
Žančyna kaža, što jaje nichto nie zaprašaŭ na baćkoŭski schod, dzie vyrašalisia ŭsie pytańni.
Dyrektarka Hłybockaj himnazii Ludmiła Chvaraniec paviedamiła, što zajaŭ u biełaruskamoŭny kłas sioleta było padadziena šeść. Hetaha dastatkova. Ale na hety hod było zapłanavana nabrać dva kłasy, u jakich vučni pa žadańni baćkoŭ buduć vučycca pa-rusku. A adkryć dadatkova kłas možna tolki rašeńniem rajvykankama.
Dyrektarka skazała, što 16 žniŭnia prajšoŭ schod baćkoŭ, jakija chacieli vučyć dziaciej na rodnaj movie. Jany ŭsie pahadzilisia addać dziaciej u ruskamoŭny kłas himnazii. Čamu ab schodzie nie paviedamili Julii Buka? Ludmiła Chvaraniec kaža, što nie zmahli da žančyny datelefanavacca svoječasova.
Sp. Ludmiła adznačyła, što
dla himnazii ruskamoŭnyja kłasy — hetu chutčej vyklučeńnie, čym zvyčajnaja sprava.
Tolki adzin vośmy kłas vučycca pa-rusku. I voś ciapier jašče dva piatyja daducca. «Vučni šostaha kłasa chacieli pierajści na ruskuju movu. My praviali tłumačalnuju rabotu z baćkami. Pytańnie vyrašyłasia na karyść rodnaj movy».
Julija Buka ź siamjoj žyvie ŭ vioscy, dzie svajoj škoły niama. I dačku davodzicca adpraŭlać vučycca za try kiłamietry ad doma. Dziaŭčynka ŭžo nastroiłasia pierabracca ŭ rajonnym centry. Navat u muzškołu pastupiła. Što siamja Bukaŭ budzie rabić dalej?
«Albo ja viartaju dziaŭčynku ŭ viaskovuju biełaruskamoŭnuju škołu, ale pierastupaju praz žadańni dački, albo addaju ŭ ruskamoŭny kłas, dy pierastupaju praz svaje pierakanańni». A pakul žančyna źbirajecca źviartacca ŭ Ministerstva adukacyi.
