Niama sumnievu, što banki pastupova źmiakčajuć ŭmovy, a taksama patrabavańni da dachodach i dakumientach, uvodziačy pry hetym novyja cikavyja krytery adboru. Kažuć, što siońnia
aceńvajecca nie tolki płaciežazdolnaść, ale navat takija, charaktarystyki, jak psichałahičnyja jakaści patencyjnaha klijenta.Takoje imknieńnie pakapacca ŭ čužoj mientalnaści finansisty tłumačać nieabchodnaściu atrymańnia bolš poŭnaj i malaŭničaj karciny dla acenki płaciežazdolnaści. Nibyta niaredka praterminoŭki ŭ absłuhoŭvańni kredytu źviazanyja z charaktaram — biazładnaściu, niedyscyplinavanaściu. Pryčym, pa słovach bankaŭskich rabotnikaŭ, takija rysy mohuć vyjaŭlacca jašče na pačatkovym etapie padrychtoŭki damovy, naprykład — niepradstaŭleńnie ŭ čas patrebnych dakumientaŭ.
Zrešty, padobna da taho, što taki zbor infarmacyi — tolki padstava pryčapicca, kab kredyt usio ž taki nie davać.Siońnia da kanca pracedury atrymańnia bujnoj žyllovaj pazyki dachodziać niamnohija. Jak acanili ŭ adnym ź biełaruskich bankaŭ, kredyt na budaŭnictva žylla atrymlivaje tolki kožny dziasiaty ź liku tych, chto źviarnuŭsia. Zrešty, kali kazać pra rynak kredytavańnia nieruchomaści, možna adznačyć, što kolkaść prapanovaŭ u biełaruskich bankach užo dasiahnuła dakryzisnaha ŭzroŭniu. Usie aktyŭnyja hulcy, jakija kredytavali nasielnictva ŭ 2007–2008 hadach, znoŭ pracujuć. Pavialičyłasia i kolkaść kredytaŭ, prapanavanych pad zakład žylla. Praŭda, pry hetym «libierały» źnižajuć ryzyki pa kredycie inšymi sposabami, prymušajučy, naprykład, jašče da atrymańnia hrošaj strachavać žyćcio pazyčalnika, a paśla zaviaršeńnia apieracyi kupli žylla — i pradmiet zakładu. Pavodle dadzienych Nacyjanalnaha banka, siarednieŭzvažanaja pracentnaja staŭka pa rublovych kredytach, pradstaŭlenych fizičnym asobam, na siońniašni momant składaje 11,7–19,7% suprać 12–20,8% hod tamu.
U Biełarusi vysokija pracentnyja staŭki pa žyllovych kredytach siońnia niavyhadna adcianiajucca anałahičnymi pakazčykami ŭ susiednich krainach.Bo kryzisnaje pavyšeńnie pracentaŭ u bolšaści krain Staroha Śvietu pajšło nazad — ciapier siarednieŭzvažanaja pracentnaja staŭka pa ipatečnych kredytach u krainach ES składaje 4,5%, to bok u 3 razy mienš, čym u našaj krainie. Viadoma, u zaležnaści ad ekanamičnaj situacyi ŭ kožnaj kankretnaj dziaržavie jeŭrazony staŭki mohuć adroźnivacca. Tak, u Francyi siarednieŭzvažanaja pracentnaja staŭka na kuplu kvatery składaje ŭsiaho 3,95%, a ŭ Hiermanii — 4,6% hadavych. U Hrecyi kvateru pa ipatecy možna ŭziać pad 3,83% hadavych, adnak dla roznych typaŭ ipatečnych prahram staŭka moža adroźnivacca. Naprykład, siarednieŭzvažanaja pracentnaja staŭka pa ipatečnych kredytach z ruchomaj staŭkaj u Hrecyi składaje 3,27%, a pa ipatečnych kredytach terminam da 5 hadoŭ — 4,65%. Kupić kvateru ŭ Afinach pa ipatecy z rasterminoŭkaj ad 5 da 10 hadoŭ možna pa staŭcy 4,89% hadavych. A kali brać kredyt na termin, bolšy za 10 hadoŭ, staŭka składzie 4,94% hadavych.
Kupla kvatery ŭ kredyt u Bielhii abydziecca krychu tańniej. Tut pa ipatecy z ruchomaj staŭkaj z klijentaŭ voźmuć 3,04%, a ipatečny kredyt terminam da 5 hadoŭ ź fiksavanaj staŭkaj abydziecca pad 4,01% hadavych. Doŭhaterminovaja ipateka ŭ Bielhii taksama tańniejšaja. Kredyt na kvateru terminam ad 5 da 10 hadoŭ daduć pad 4,42% hadavych, a na termin, bolšy za 10 hadoŭ, — pad 4,64% u hod. A voś ipateka ŭ Anhlii abydziecca daražej. Tak, kredyt na nabyćcio kvatery ŭ Łondanie z rasterminoŭkaj na 3 hady budzie kaštavać 4,8% hadavych, na 5 hadoŭ — 5,72% hadavych, a na 10 hadoŭ — 6,28% hadavych.
U krainach, što pakul nie ŭvachodziać u jeŭrazonu, situacyja z umovami atrymańnia ipateki taksama moža padacca kazačnaj. Naprykład, u Polščy siarednieŭzvažanaja pracentnaja staŭka na kuplu nieruchomaści składaje 8% hadavych. Choć nabyć kvateru ŭ Varšavie pa ipatecy ŭ jeŭra možna i pad 6% hadavych.
