U Biełarusi brakuje lekaraŭ-dyjetołahaŭ 2

U Biełarusi brakuje lekaraŭ-dyjetołahaŭ, paviedamiŭ hałoŭny pazaštatny dyjetołah Ministerstva achovy zdaroŭja, zahadčyk kafiedry hastraenterałohii i nutrycyjałohii Biełaruskaj miedycynskaj akademii paśladypłomnaj adukacyi (BiełMAPA) Juryj Marachoŭski 26 žniŭnia na pres-kanfierencyi ŭ Minsku.

Zabiaśpiečanaść lekarami-dyjetołahami składaje 0,4 na 100 tysiač čałaviek, a heta vielmi mała, padkreśliŭ Marachoŭski. U jeŭrapiejskich krainach zabiaśpiečanaść dyjetołahami vahajecca ad 35 da 130 na 100 tysiač nasielnictva. U ZŠA na 100 tysiač žycharoŭ prypadaje 60, a ŭ Japonii 333 dyjetołahi.

Marachoŭski padkreśliŭ važnaść śpiecyjalistaŭ hetaha profilu, pakolki ŭ Biełarusi niedastatkova infarmacyi ab pravilnym charčavańni. U Biełarusi ludzi časta nie viedajuć, kudy źviarnucca dla vyrašeńnia prablemy lišniaj vahi, jakuju źviedvajuć da čverci nasielnictva krainy. Imknučysia da aptymalnaj vahi, ludzi časta sadziacca na dyjety, jakija padryvajuć zdaroŭje, zaznačyŭ śpiecyjalist.

Pry hetym Marachoŭski padkreśliŭ, što ŭ Biełarusi rychtujuć lekaraŭ-dyjetołahaŭ na kafiedry hastraenterałohii i nutrycyjałohii BiełMAPA, dzie na kurs «Kliničnaja nutrycyjałohija» pravodzicca nabor uračoŭ usich śpiecyjalnaściaŭ.

Adnak Marachoŭski zaznačyŭ, što hrupy nie zaŭsiody ŭkamplektoŭvajucca. Zahadčyk kafiedry BiełMAPA vykazaŭ mierkavańnie, što «na miescach nie razumiejuć značeńnia ŭračoŭ hetaj śpiecyjalnaści». Miž tym, skazaŭ jon, biez urača-dyjetołaha niemahčyma vyznačyć prahramu charčavańnia dla kožnaha kankretnaha pacyjenta.

Jon padkreśliŭ, što zaraz funkcyi lekaraŭ-dyjetołahaŭ vykonvajuć u krainie endakrynołahi i hastraenterołahi. Hetych śpiecyjalistaŭ, zaznačyŭ Marachoŭski, «krychu bolš, čym dyjetołahaŭ, ale taksama mała». Adnak u ich, hetak ža jak i ŭ dyjetołahaŭ, jakija pracujuć u krainie, «praktyčna adsutničaje nieabchodnaja dyjahnastyčnaja baza, kab acanić stan zdaroŭja asobnaha čałavieka, jaho ryzyki pry sprobie skidvańnia masy cieła da niejkich vieličyniaŭ».

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH