U Bresckaj vobłaści sioleta ŭžo dziesiaty raz raścisnuli čałavieka na darozie 1

U Bresckaj vobłaści zafiksavany dziesiaty z pačatku hoda najezd na čałavieka, jaki lažaŭ na darozie.

Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, 31 žniŭnia kala dźviuch hadzin nočy ŭ Žabinkaŭskim rajonie niepadalok ad vioski Pielišča na aŭtamabili «Aŭdzi-100» byŭ učynieny najezd na 35-hadovaha mužčynu. Jon lažaŭ na darozie, byŭ pjany.

Mužčyna ad atrymanych traŭm pamior na miescy zdareńnia. Prykmietna, što na adzieńni zahinułaha byli śviatłoadbivalnyja elemienty.

Pavodle słoŭ Sacharčuk, u 10 anałahičnych DTZ šeść čałaviek zahinuli i čatyry atrymali traŭmy roznaj stupieni ciažkaści, bolšaść ź ich była ŭ stanie ałkaholnaha apjanieńnia. Usie darožna-transpartnyja zdareńni, jak i letaś, adbylisia ŭ načny čas sutak.

Z 1 vieraśnia Dziaržaŭtainśpiekcyja vobłaści aktyvizuje pracu pa abaznačeńni piešachodaŭ i viełasipiedystaŭ u ciomny čas sutak śviatłoadbivalnymi elemientami i ŭzmocnić kantrol za ich vykarystańniem, adznačyła Sacharčuk.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH