Mierkavanaja vokładka dla budučaj knihi
Knihu paeta Michasia Bašuru, jaki ciapier znachodzicca za kratami, rychtuje da druku vydaviectva «Halijafy». U zbornik, jaki atrymaŭ nazvu «Dumki — heta nie hulnia», uvajduć staryja vieršy, a taksama novyja tvory, što drukavalisia ŭ ŽŽ. Dyzajn vokładki zrabiŭ siabra Bašury biełaruski paet Pavieł Łoskutaŭ, jaki ciapier žyvie ŭ Maskvie.
— My vyrašyli padtrymać Michasia jak siabra i tvorčaha čałavieka, — kaža Źmicier Višnioŭ, paet i vydaviec. — Viestka pra vydańnie hetaj knihi była dla Michasia siurpryzam: jon daviedaŭsia pra jaje tolki praz advakata.
«Halijafy» płanujuć vydać knihu ciaham dvuch tydniaŭ, i adrazu ž prezientavać jaje šyrokaj publicy. Dla prezientacyi zrobleny admysłovyja majki.
Nahadajem, na Michasia Brašuru, aktyvista kampanii «Havary praŭdu!», Minharsud zavioŭ kryminalnuju spravu za padrobku dakumientaŭ. Paet i vydaviec znachodzicca za kratami z 6 žniŭnia.