Mabilny apieratar velcom z 1 vieraśnia ŭvodzić pasłuhu błakiroŭki niepažadanych sajtaŭ i prapanoŭvaje antyvirus.
Takim čynam kampanija vykanała patrabavańni Ukazu № 60 i sumiesnaj pastanovy AAC i Minsuviazi «Ab zaćviardžeńni pałažeńnia ab paradku abmiežavańnia dostupu karystalnikaŭ
internet-pasłuh da infarmacyi, zabaronienaj da raspaŭsiudžvańnia ŭ adpaviednaści z zakanadaŭčymi aktami».
«Błok-list» — heta pasłuha, jakaja abmiažoŭvaje dostup da sajtaŭ, jakija źmiaščajuć infarmacyju, zabaronienuju da raspaŭsiudžvańnia ŭ adpaviednaści z zakanadaŭstvam Respubliki Biełaruś. Kampanija velcom štodnia abnaŭlaje najaŭnuju ŭ jaje infarmacyju pra sajty abmiežavanaha dostupu ŭ adpaviednaści sa śpisam BiełDIE», paviedamlaje pres-słužba mabilnaha apieratara.
«Antyvirus» ad velcom nie patrabuje ŭstaloŭki PZ i nie ŭstupaje ŭ kanflikt ź inšym najaŭnym na kampjutary karystalnika antyvirusnym PZ.
Abiedźvie pasłuhi płatnyja. Abanienckaja płata za pasłuhu «Antyvirus» spahaniajecca štomiesiac i składaje 4900 biełaruskich rubloŭ (biez uliku padatkaŭ), a pry padklučeńni pasłuhi «Błok-list» spahaniajecca adnarazovy ŭniosak u pamiery 9 900 biełaruskich rubloŭ (biez uliku padatkaŭ).
electroname.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH