Na centralnym rynku Baranavičaŭ (Bresckaja vobłaść) 7 vieraśnia zatrymany lider Abjadnanaj hramadzianskaj partyi (AHP) Anatol Labiedźka i pretendent na pasadu prezidenta ad AHP Jarasłaŭ Ramančuk.
Jak paviedamiŭ Labiedźka BiełaPAN, jon z Ramančukom pryjechaŭ u Baranavičy na sustreču z pradprymalnikami. «My chadzili pa rynku, razdavali infarmacyjnyja materyjały, tezisy pieradvybarnaj prahramy Ramančuka, razmaŭlali z pradprymalnikami. Adnak praź niekatory čas da nas padyšli dva majory milicyi. Jany paviedamili, što my zatrymanyja, i dastavili nas u budynak administracyi rynku. Pavodle słoŭ supracoŭnikaŭ milicyi, ciapier da ich pryjechaŭ čałaviek z kryminalnaha vyšuku, jaki staranna vyvučaje materyjały, što my razdavali, na pradmiet «kramoły», — skazaŭ Labiedźka. Na hety čas palityki praciahvajuć znachodzicca ŭ budynku administracyi rynku.
Labiedźka adznačyŭ, što heta nie pieršaja sproba ŭład sarvać sustrečy Ramančuka sa svaimi patencyjalnymi vybarščykami. «Niadaŭna padobnyja sproby zryvu sustreč adbylisia ŭ Salihorsku i Vilejcy. Vidać, ułada ŭsurjoz apasajecca Ramančuka», — skazaŭ Labiedźka.
