Kamitet dziaržbiaśpieki atrymaŭ bolš šyrokija paŭnamoctvy dla kantrolu nad finansavymi apieracyjami hramadzian.
Nahadajem, što ŭ adpaviednaści z Zakonam Respubliki Biełaruś «Ab mierach pa praduchileńni lehalizacyi dachodaŭ, atrymanych niezakonnym šlacham, i finansavańnia terarystyčnaj dziejnaści» Saviet ministraŭ Biełarusi jašče ŭ 2006 hodzie nadzialiŭ KDB paŭnamoctvami vyznačać pieralik asobaŭ, što «ździajśniajuć finansavyja apieracyi, u dačynieńni da jakich jość źviestki pra ich udzieł u terarystyčnaj dziejnaści albo znachodžańnie pad kantrolem asob, jakija zajmajucca terarystyčnaj dziejnaściu, i daviadzieńnia hetaha pieraliku da viedama asob, jakija ažyćciaŭlajuć finansavyja apieracyi.
Składzieny KDB pieralik davodziŭsia Kamitetam dziaržaŭnaj biaśpieki da dziaržaŭnych orhanaŭ, jakija kantralavali dziejnaść asob, što ažyćciaŭlajuć finansavyja apieracyi, i orhana finansavaha manitorynhu ŭ metach infarmavańnia asob, jakija ažyćciaŭlajuć finansavyja apieracyi.
Kažučy prostaj movaj, KDB farmavaŭ śpis asob, u dačynieńni jakich byli padazreńni, što jany majuć dačynieńnie da terarystyčnych arhanizacyjaŭ albo znachodziacca pad ich kantrolem. Hety pieralik nakiroŭvaŭsia ŭ dziaržaŭnyja orhany, jakija kantralavali ŭsie finansavyja apieracyi, što vykonvalisia asobami, uklučanymi ŭ pieralik. Ale KDB tut byŭ abmiežavany tym, što ŭ pieralik mahli ŭklučacca tolki tyja asoby, jakija ažyćciaŭlali finansavyja apieracyi. Ciapier situacyja krychu źmienicca.
Zhodna z pastanovaj Saŭmina № 1287, z hetaha času
KDB zmoža ŭklučać u paznačany pieralik nie tolki asobaŭ, jakija niepasredna ažyćciaŭlajuć finansavyja apieracyi, a ŭsich «udzielnikaŭ finansavaj apieracyi».Pry hetym u pastanovie nie vyznačana, chto traplaje pad vyznačeńnie «ŭdzielnika finansavaj apieracyi».
Uličvajučy, što padstavaj dla ŭklučeńnia ŭ pieralik źjaŭlajucca źviestki, atrymanyja ŭ vyniku dziejnaści orhanaŭ dziaržaŭnaj biaśpieki, a taksama «inšyja padstavy ŭ adpaviednaści z zakanadaŭčymi aktami Respubliki Biełaruś», to ciapier
u pieralik pad kantrol KDB moža trapić praktyčna kožny.
